खोज

बुटवल, ७ मंसिर । भारतको पिथौरागढमा नेपाली सेना र भारतीय सेनाको संयुक्त तालिम अभ्यास सूर्य किरण को १७ औ संस्करण मंसिर ८ गतेबाट हुदैछ । तालिममा सहभागी हुने नेपाली सेनाको टोलीलाई बुधबार एक समारोहका बिच बिदाई गरिएको छ ।

दुबै सेनाहरुको गण ( बटालियन) स्तरको फौज सहभागी हुने संयुक्त अभ्यासमा यसवर्ष नेपाली सेनाबाट प्रमुख सेनानी सुवास केसीको नेतृत्वमा ३ सय ३४ जना रहेका छन । मंसिर २१ गतेसम्म संचालन हुने अभ्यासको क्रममा फौजले बिपद ब्यवस्थापन, प्रति विद्रोह तथा प्रति आतंकबाद लगायत जंगल युद्धकला सम्बन्धी ब्यवहारिक अभ्यास गर्नेछन । प्रतिबिद्रोह तथा प्रतिआतंकबाद, फौजको अन्तरक्रियासिलता अभिवृद्धि र बिपद ब्यवस्थापनमा केन्द्रित रही तालिम संचालन गर्ने उदेश्यले आयोजना हुने अभ्यास सूर्यकिरणको यस संस्करणले दुई देशबिचको वर्षौ पुरानो पारस्परिक सम्बन्धलाई प्रगाढ बनाउनुको साथै दुई देशका सेनाहरु बिच आपसी समझदारीमा अभिवृद्धि हुने विश्वास नेपाली सेनाले लिएको विज्ञप्तीमा लेखिएको छ ।

बिसं २०६७ सालदेखि वार्षिक रुपमा नेपाल र भारतमा आलोपालो गरि संयुक्त अभ्यास हुदै आएको छ । गतवर्ष पुष १ देखि १४ गतेसम्म रुपन्देहीको सालझण्डीमा १६ औ संस्करणको अभ्यास भएको थियो ।