खोज

बुटवल, २७ कार्तिक । बुटवलमा खेलकुद, सास्कृतिक र सामाजिक क्षेत्रमा विगत लामोसमयदेखि योगदान दिदै आएको राधाकृष्ण युवा क्लबले शुक्रबार १८ औ सास्कृतिक साझ भब्य रुपमा सम्पन्न गरेको छ । लुम्बिनी फलफुल तरकारी थोक ब्यवसायी संघको मुख्य प्रायोजनमा भएको कार्यक्रममा स्थानिय कलाकारहरुलाई प्लेटफर्म दिने गरि सागितिक कार्यक्रम गरिएको थियो । क्लबका अध्यक्ष सानू बरालले युवाहरुलाई एकतावद्ध गरि आफुहरु संस्थागत रुपमा खेलकुद र सामाजिक क्षेत्रमा भातृत्व र नेतृत्व विकासमा अग्रसर रहदै आएको बताए । ‘धेरै कलाकार र खेलाडीहरु उत्पादनसंगै प्लेटफर्म दिने गरि कार्यक्रम समेत गर्दै आएका छौ ।’—उनले भने । यसैगरि बुटवलका प्रतिभावान साईक्लिस्ट मनिक श्रेष्ठलाई समेत सम्मानपत्रबाट सम्मानित गरिएको थियो ।

कार्यक्रमको एक समारोहका बिच नेकपा एमालेका नेता तथा पुर्व प्रदेश सभा सदस्य दधिराम न्यौपानेले उद्घाटन गर्दै युवाहरु परिवर्तनका बाहक भएको भन्दै विदेश पलायन रोक्ने गरि अभियान थाल्न सुझाव दिए । घर, समाज हुँदै देश विकास गर्न लाग्न उनले सुझाव दिए ।
कार्यक्रममा लुम्बिनी फलफुल तरकारी थोक ब्यवसायी संघका अध्यक्ष गोपाल भुषाल,  बुटवल उपमहानगरपालिकाका प्रबक्ता शिव राना, सुन्दरनगर खानेपानी उपभोक्ता तथा सरसफाई संस्थाका अध्यक्ष बिरमान लामा, वडा नं ७ को वडासदस्य चिनकाजी श्रेष्ठले शुभकामना दिए ।

कार्यक्रममा स्थानिय कलाकारहरुले गायन, नृत्य प्रस्तुत गरेका थिए । यसैगरि कार्यक्रम अन्तरगत राखिएको भाग्यशाली चिठ्ठाको प्रथम पुरस्कार ३२ ईन्च स्मार्ट टिभी सन्तोष तरामुलाई, द्धितिय पुरस्कार माईक्रो ओभन मोनालिसा केसीलाई, तृतिय पुरस्कार ईलेक्ट्रिक गिजर गोपाल घिमिरेलाई परेको छ । यसैगरि ६ जनालाई ईण्डक्सन चुलो, १५ जनालाई ईलेक्ट्रिक हट ब्याग, टि कप लगायत ५१ जनालाई पुरस्कर वितरण गरिएको अध्यक्ष बरालले बताए ।