© २०२३
बुटवल, २७ कार्तिक । रुपन्देहीमा एक दर्जन बढी नेवार संघसंस्थाहरुले सामुहिक रुपमा यो वर्षदेखि नेपाल सम्वत मनाउदै छन । नेवा पुच, नेवा सेवा समितिका अध्यक्ष काजीमान श्रेष्ठको अध्यक्षतामा ‘नेवा समाज समन्वय समिति’ गठन भई साझा संस्थाको ब्यानरमा नया वर्ष नेपाल सम्वत ११४४ मनाउने निर्णय अनुसार दुई दिने कार्यक्रम गर्ने भएको हो । नेपाल सम्वत ११४४ को पुर्वसन्ध्यामा सोमबार बुटवलमा वृहत सचेतनामुलक मोटरसाइकल रयाली निकालिएको छ । पुचको सचिवालय भवन रहेको शङ्खधर शाख्वाको मुर्तिमा पुजाआजा र माल्यापर्ण गरि सगुन र टिका लगाएर बाजागाजा, ब्यानरसहित निकालिएको रयाली ट्राफिकचोक, जलबिनायक, जितगढी, तामनगर, बुद्धनगर, योगीकुटी, रामनगर, दीपनगर, अमरपथ हुदै पुनः पुचको सचिवालयमा समापन गरिएको थियो ।
‘भाषा संस्कृति झिगु पौरख, नेपा सम्वत राष्ट्रिय गौरव’ नारा बोकेर साझा उदेश्यका साथ यहा रहेका १३ वटा नेवा समाज, खल, पुचका प्रतिनिधिहरु सम्बद्ध संस्थाहरुलाई एकतावद्ध गरि सहकार्यमा कार्यक्रमको शुरुवात भएको नेवा पुच नेवा विकास समितिका अध्यक्ष काजीमान श्रेष्ठले बताए । यसैगरि मुल दिवसको दिन मंगलबार पंचकन्या, कुमारी, बाजागाजा, झाकी, ब्यानरसहित विशाल रयाली निकालिने र शुभकामना आदानप्रदान कार्यक्रम गरिने उनले बताए ।
कार्यक्रममा बोल्दै संस्थाका सल्लाहकार चिरञ्जीवी जोशीले नेवार समुदायलाई एकतावद्घ गरि नेवा कला, संस्कृतिलाई जग्रेना गर्दे उदेश्यका साथ संस्थागत रुपमा कार्यक्रम गरिनु उदाहरणीय भएको बताए । नेवा भाषाको रंजनालिपी र नेपाल सम्वत हामी सबै नेपालीको मौलिक सभ्यता भएको प्रमाण संयुक्त राष्ट्र संघको सदस्यता प्राप्त गर्न देशको लिपी ‘रंजनालिपी’ र सम्वत ‘नेपाल सम्वत’ भएको तथ्यबाट पुष्टि हुने उनले बताए ।
भिमसेन नेवा गुठीका अध्यक्ष सहदेव श्रेष्ठले गुठी परम्परा मान्दै आएका नेवारहरु एकतामा जोड दिदै आएको पुर्खाको ईतिहास रहेको भन्दै रुपन्देहीमा नया शुरुवात भएको बताए ।
पुचका सचिव लक्ष्मी श्रेष्ठले कला, संस्कृति र संस्कारलाई जोगाउदै नया पुस्तामा सिकाउने रुपमा सामुहिक प्रयास गर्नुपर्ने बताईन ।
श्री नेवा पुच, नेवा समाज विकास परिषद, भिमसेन नेवा समाज, तिलोत्तमा नेवा मयजू खल, हुमिन नेवा पुच, नेवा पुच दिपनगर, नेवा पुच तामनगर, नेवा पुच बुटवल ११, भिद्य नेवा पुच, बुटवल नेवा समाज, नेवा सेवा समिति बुटवल,गणेश नेवा समाज मझगाउ, नेवा संस्कृति संरक्षण समिति देवीनगर, भिद्य नेवा समाज बुटवलको सहकार्यमा यो वर्ष सामुहिक दुई दिने कार्यक्रम गर्ने भएको हो ।
भिडियो सामग्री
यो वेबसाइट बुटवल टुडे राष्ट्रिय दैनिकको आधिकारिक न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ । साबिक न्युज बुटवल टुडे डटकमबाट बुटवल टुडे डटकममा परिणत भएको छ।
सूचना विभाग दर्ता नं.: ४६५६
प्रेस काउन्सिल दर्ता नं. १२६७
फोन: ०७१-५५४६४०, ५५४६४२
इमेल: ebutwaltoday@gmail.com
ठेगाना: बुटवल–६, रुपन्देही
बुटवल टुडे
बुटवल टुडे राष्ट्रिय दैनिक समाचारका लागि: newsbutwaltoday@gmail.com
अनलाइन समाचार का लागि: ebutwaltoday@gmail.com
बिज्ञापनका लागि: addbutwaltoday@gmail.com
फोन: ०७१-५५४६४०, ५५४६४२
सम्पर्क गर्नुहोस्अध्यक्ष
हरी प्रसाद पौडेलप्रबन्ध सम्पादक
नवराज कॅुवरसम्पादक
लक्ष्मण पौडेलसह–सम्पादक
स्वस्तिक श्रेष्ठउप–सम्पादक
निरुता गिरी