खोज

बुटवल, २५ कार्तिक। एक हप्तादेखी भुकम्प प्रभावित क्षेत्रमा उद्धारमा खटिएका स्काउट मास्टर तथा खेलकुद प्रशिक्षक नवराज खरेलले आफनो जन्मदिन नगद सहयोग गरेका छन् । भुकम्प प्रभावित क्षेत्रमा उनि स्काउट टिमसहित स्वयसेवकका रुपमा एक सातादेखि छन । जाजरकोट भेरी नगरपालिका खलङा निवासी रमाकली कामीलाई उनले नगद ५ हजार ५ सय रुपैया सहयोग गरे । रमाकलीले ४ बर्षको नातिनी गुमाएकी छिन् । उनी भुकम्पमा परि घाइते भएकी छिन् भने घर पुर्णरुपमा क्षति भएको छ । ‘भुकम्प प्रभावित क्षेत्रमा एक साता देखि खटिरहेकै अवस्थामा जन्म दिनको अवसरमा सानो सहयोग गर्ने अवसर जुर्यो ।’—उनले भने । मानिसहरुमा फजुल खर्च गर्ने परम्परा बढेको बेला ससाना रकम जम्मा गरेर सहयोग गर्न सकिने उनको सुझाव छ ।

खरेलले २०७८ फागुन ७ गते आफनो बिबाहमा हुने खर्च बचत गरी अक्षयकोष स्थापना गरेका थिए । सोही रकमबाट गुल्मीको सारदा माविमा ५१ हजार १ सय ५१ रुपैयाको अक्षयकोष स्थापना गरेको छन । खरेल बिगत १५ बर्ष देखि नेपाल स्काउटको क्षेत्र र सामाजिक काम गर्दै आएका छन् । नेपाल स्काउटको बिपद ब्यवस्थापन आकस्मिक उद्दार कर्ता र खेलकुद को क्षेत्रमा कार्यरत उनी बुटवल स्थित नवीन औद्योगिक कदर बहादुर रिता माबि मा स्काउट मास्टर तथा खेलकुद प्रशिक्षणको रुपमा कार्यरत छन् ।