खोज

बर्दघाट, १९ असोज ।

भारतमा जारी विश्वकप क्रिकेटमा पाकिस्तानले नेदरल्याण्डस्माथि सहज जित हात पारेको छ । हैदरावाद स्थित राजिव गान्धी रँगशालामा सम्पन्न खेलमा ८१ रनको फराकिलो अन्तरले पाकिस्तानले खेल आफ्नो पक्षमा पारको हो ।

२ सय ८७ रनको लक्ष्य पच्छाएको नेदरल्याण्डस्ले ४१ ओभरमा सबै विकेट गुमाएर २ सय ५ रन मात्र जोड्न सक्यो । उसका लागि विक्रमजित सिँहले ५२ रन र बस डे लिडेले ६७ रनको अर्धशतकीय पारी बाहेक अन्यको प्रदर्शन फितलो रह्यो ।

नेदरल्याण्डस्लाई सस्तैमा समेट्ने क्रममा पाकिस्तानका ह्यारिस रउफले ३ तथा हसन अलिले २ विकेट हात पारे । सइन साह अफ्रिदी, इफ्तीकार अहमद, मोहम्मद नवाज र सदाव खानले १—१ विकेट लिन सफल रहे ।

यसअघि टस हारी ब्याटिङको निम्तो पाएको पाकिस्तानले ४९ ओभरमा सबै विकेट गुमाएर २ सय ८७ रनको लक्ष्य नेदरल्याण्डस सामू पेश गरेको थियो । खराव सुरुवात गरेको पाकिस्तानको पारी मध्यक्रमका ब्याटर मोहम्मद रिजवान र साउद सकिलले सम्हालेका थिए ।

यी दुबै ब्याटरले समान ६८ रन सहित अर्धशतकीय पारी खेलेका थिए । आक्रमक ब्याटर एवं कप्तान बाबर आजिम मात्र ५ रनको स्कोरमा आउट भएका थिए । पाकिस्तानको लागि पुछारतिर ब्याटिङ गर्न आएका मोहम्मद नवाज र सादाव खानले उकासेका थिए । नवाज ३९ र खानले ३४ रन जोडेका थिए । पाकिस्तानलाई ४९ ओभरमै अलआउट गर्ने क्रममा नेदरल्याण्डस्का बास डे लिडेले ४ पाकिस्तानी खेलाडीलाई पेवेलियनको बाटो देखाएका थिए । यस्तै कोलिन एकरमेनले २ तथा आर्यन दत्त, लोगेन भान विक र पौल भ्यानले १—१ विकेट लिएका थिए । शनिबारको खेल बँगलादेश र अफगानिस्तानविच धर्मशालामा हुने छ ।