© २०२३
२८ मंसिर २०८२, आइतबार
२८ मंसिर २०८२, आइतबार
काठमाण्डौ, १७ असोज । दक्षिण भारतको एक कलाकारले ४५ व्यक्तिको चरित्र निर्वाह गरेर गिनीज बुकमा पनि नाम लेखाउन सफल भएको छ ।
गान्धीदेखि लिएर ईसा मसीहसम्मको भूमिका निभाएका यी अभिनेताको नाम हो जानसन जर्ज । सन् २०१८ मा रिलीज भएको ‘आरानु नजान’मा जर्जले ४५ जना व्यक्तिको भूमिका निर्वाह गरेर इतिहास रचेका थिए । यो रेकर्डलाई अहिलेसम्म कसैले तोड्न सकेको छैन । ‘आरानु नजान’ एक घण्टा ४७ मिनेटको एक मलयालम फिल्म थियो जसको निर्देशक पीआर उन्नीकृष्णनले गरेका थिए ।
फिल्ममा जयाचन्द्रन थगाजीकरण र मुहम्मद नीलम्बुरले मुख्य भूमिका निर्वाह गरेका छन् । फिल्ममा जनसन जर्जले कथाको साना साना ४५ जना व्यक्तिको रुपमा काम गरेका छन् । जसमा महात्मा गान्धी, ईशा मसीह, अब्दुल कलाम समेत भारतका कयौं महान् हस्तीलाई पर्दामा जीवन्त गराइएको छ ।
यसअघि बलिउडमा कमल हसन, गोविन्दा, संजीव कुमार तथा शिवाजी गणेशन जस्ता नाम आफ्ना फिल्ममा विभिन्न व्यक्तिको अभिनय गरेर धेरैको मन जितिसकेका छन् । सन् २००८ मा आएको फिल्म ‘दशअवतारम’ मा कमल हसनले पूरै १० जना व्यक्तिको भूमिका निर्वाह गरेका थिए । त्यस्तै गोविन्दाले ‘हद कर दी आपने’ फिल्ममा ६ जना व्यक्तिको भूमिका निर्वाह गरेका थिए ।
© २०२३
सर्वाधिकार सुरक्षित
Design & Developed By:
