खोज

दाङ,१० असाोज ।

४४ औं विश्व पर्यटन दिवसका अबसरमा उपमहानगरपालिकाले प्राकृतिक र कृत्रिम जलाशयलाई बहुउपयोगी बनाउने गरी पर्यटकीय गन्तव्य बनाउने घोषणा गरेको छ । नगर स्तरीय पर्यटन तथा संस्कृती प्रबद्र्धन समितिले नगरपालिका भित्र बनाएका कृत्रिम जलाशयहरुलाई प्रचारप्रसारमा ल्याउने गरि पर्यटकिय गन्तव्य बनाउने घोषणा गरेको हो । घोराही उपमहानगरपालिकाका १९ वटै वडामा जम्मा एक सय जलाशय र सिमसार रहेका छन् ।

घोराही उपमहानगरपालिका–१३ सेवारमा रहेको बाह्रकुने बराहक्षेत्र, सोही वडामा रहेको ज्यामिरे दह, घोराही उपमहानगरपालिका– १र २ मा पर्ने चेपे दह, सोही वडामा पर्ने चरिङ्गे दह, घोराही उपमहानगरपालिका– १मा पर्ने भोटे दह, सोही वडाको अठइसेमा रहेको किचेनी दह, घोराही उपमहानगरपालिका– १०मा रहेको जलौरामा रहेको धोबघाट ताल, घोराही उपमहानगरपालिका– ९ मा रहेको पर्सेनी ताल, घोराही उपमहानगरपालिका– ४ मा रहेको सुकी दह, घोराही उपमहानगरपालिका– १७ मा पर्ने आरोग्य ताल, सोही वडामा पर्ने राधाकृष्ण शीतल जलाशय जस्तै अन्य ताल र जलाशयलाई व्यबस्थित गर्ने योजना रहेको पर्यटन शाखाका प्रमुख बालकृष्ण खनालले जानकारी दिए । अहिले घोराहीभित्र रहेका जलाशयबाट किसानहरुले सिचाई गरिरहेका छन् भने स्थानीयहरुले माछा पालन गरेर आम्दानी गर्दै आएका छन् । त्यसैगरी पर्यटन प्रबद्र्धन गर्दै गन्तव्यका रुपमा विकास गर्न डुंगा सञ्चालन गर्ने, घुम्न, रमाइलो गर्न, फोटो खिच्ने गरि पूर्वाधारहरु तयार पारेर आन्तरीक तथा बाह्य पर्यटकहरुको गन्तव्य बनाउने योजनाका साथ दिवसलाई मनाईएको शाखा प्रमुख खनालले जानकारी दिए ।

घोराही उपमहानगरपालिका उपप्रमुख हुमा डिसीले प्राकृतिक श्रोत साधनलाइ संरक्षण गरेर पर्यटकिय स्थलका रुपमा का गर्नुपर्ने बताइन् । घोराहीमा रहेका प्राकृतिक र कृतिम सम्पदालाई संरक्षण गर्ने र पर्यटन स्थलका रुपमा अगाडि बढाउने कुरामा सधैं सकारात्मक रहेको बताइन् ।
पर्यटन समितिका संयोजक रमेशकुमार पाण्डेयले आन्तरिक र बाह्र पर्यटक आकर्षण गर्ने पूर्वाधार निमार्ण गरेर आएआर्जनसंग जोड्नु पर्ने बताए । पूर्वाधार महाशाखा प्रमुख सिनियर डिभिजनल इन्जिनियर युवराज पौडेल, पर्यटन शाखाका प्रमुख बालकृष्ण खनाल, पत्रकार महासंघ दाङका उपाध्यक्ष बसुन्धरा गौतम सहित कर्मचारी, पत्रकारहरुको टोलीले बुधबार आधा दर्जन कृत्रिम जलाशयहरुको अध्ययन अबलोकन गरेर पर्यटन दिवस मनाएको हो ।