खोज

नवलपुुर, २६ भदौ ।

नेपाली कांग्रेस नवलपरासीका संस्थापक सभापति एवं प्रजातन्त्र सेनानी पूर्णचन्द्र नेपालको सोमबार राति निधन भएको छ ।

वि.सं. १९९७ सालमा जन्मिएका प्रजातन्त्र सेनानी नेपालको ८४ वर्षको उमेरमा सोमबार राती आफ्नै निवास मध्यबिन्दुु नगरपालिका ३ मा निधन भएको हो । नेता नेपालका एक छोरा, दुुई छोरी र दूुई श्रीमती रहेका छन् ।

२०१७ सालमा राजा महेन्द्रले कु गरेपछि नेताहरुसँग भारत निर्वासनमा गएका नेता नेपाल २०३० सालमा देश फर्किएर नेपाली कांग्रेसको संगठन निर्माणम जुटेका थिए ।

जिल््लामा संगठन निर्माण गर्ने क्रममा वि.सं. २०३२ सालमा नेपाली कांग्रेस नवलपरासीका सभापति बनेका उनी २०११ सालदेखि नेपाली कांग्रेसमा आबद्ध रहेर प्रजातान्त्रिक आन्दोलनमा होमिएका थिए । नेपाललाई वि.सं. २०३५ सालमा संघसंस्था नियन्त्रण ऐन अन्तर्गत तात्कालीन पञ्चायती सरकारले गिरफ्तार गरेर भैरहवा जिल्ला कारागारमा राखेको थियो ।

यसैबीच नेपाली काँग्रेस नवलपुरले प्रजातन्त्र सेनानी नेपालको निधनप्रति दुःख व्यक्त गरेको छ । जिल्ला सभापति महेन्द्रध्वज जिसीले शोक विज्ञप्ति जारी गर्दै नता नेपालको निधनले पार्टीलाई ठूलो क्षति पुगेको तथा पार्टीले जुझारु र संघर्षशील नेता गुमाएको बताए ।

नेपाली कांग्रेस नवलपुरले नेता नेपालको शोकमा पार्टी कार्यालयहरुमा पार्टीको झण्डा आधा झुकाउने, तीन दिन सम्म कुनै पनि औपचारिक कार्यक्रम नगर्ने तथा १३ दिन सम्म जिल्लामा रहेका सबै तहका पार्टी कार्यालयहरुमा शोक पुस्तिका राख्ने निर्णय गरेको सो पार्टीका जिल्ला सचिव होमराज रानाभाटले बताए ।