© २०२३
७ मंसिर २०८१, शुक्रबार
७ मंसिर २०८१, शुक्रबार
बुटवल,२० भदौ । एसिया कप क्रिकेट खेलेर नेपाल फर्केको राष्ट्रिय टोलीको भव्य स्वागत भएको छ। श्रीलंका र पाकिस्तानमा जारी एसिया कप क्रिकेटमा नेपाल पहिलो खेलमा पाकिस्तान र दोस्रो खेलमा भारतसंग हारेपछि समूह चरणबाटबाहिरिएर घर फर्केको हो । पाकिस्तानसँग २३८ रनले पराजित भएको थियो भने भारतसँग १० विकेटले पराजित भएको थियो।
नेपाली टोलीलाई स्वागत गर्न सशस्त्र प्रहरीको ब्याण्ड टोलीसमेत विमानस्थलमा लगिएको थियो।
ब्याण्ड टोलीले मंगलधुन बजाएर टोलीको स्वागत गरेको हो। खेलाडीहरुको स्वागत गर्न पुगेका समर्थकहरुले विमानस्थलमा समर्थन गर्दै नाराबाजी समेत लगाएका थिए । भारतसँगको खेलमा पानीले खेल बिथोलेको थियो। भारतसँग पराजित भएपछि नेपाल एसियाकपबाट बाहिरिएको थियो।
तर पनि समूह चरणमा भारत र पाकिस्तानविरुद्ध निडर र साहसिक प्रदर्शन गरेको भन्दै क्रिकेट समर्थकहरु टोलीलाई स्वागत गर्न विमानस्थल पुगेका थिए ।
नेपाल बाहिरिएपछि टोली आज स्वदेश फर्किएको हो। भारतसँग म्याच हारेपनि उत्कृष्ट व्याटिङ गरेको नेपाली टोलीको प्रंशसा भइरहेको छ ।
© २०२३
सर्वाधिकार सुरक्षित
Design & Developed By:
