खोज

पाल्पा राष्ट्रिय भूमिआयोगपाल्पाले रामपुर नगरपालिकाभित्रकाथप ३ सय ५४ अव्यवस्थित जग्गाधनीलाई जग्गाधनी प्रमाण पूर्जा वितरण गरेको छ । ५० वर्ष अघि देखिको अव्यवस्थित बसोबासीको समस्या रहेको रामपुरमा दोस्रो चरणमा पूर्जावितरण गरेको हो ।
आयोगले पहिलो चरणमा गत पुस ८ गते २ सय ६२ जनाजग्गाधनीलाई पूर्जा वितरण गरेको थियो । अव्यवस्थितबसोबासीहरुलाई जग्गाधनी प्रमाण पूर्जा वितरण गर्दै राष्ट्रिय भूमिआयोगका केन्द्रिय नहेन्द्र खड्काले अबको २ वर्ष भित्र नेपाललाई भूमिहिनता र सुकुम्बासी मुक्त बनाउने गरी आयोगले आफ्ना गतिविधि सञ्चालन गर्दै आएको बताए ।
देशमाभूमिहिनताको अन्त्यको लागि देश व्यापी रुपमा अभियान सञ्चालन गरेको भन्दै “स्थानीयतहहरुको सहयोग प्रर्याप्त भएको स्थितिमा आउने २ वर्ष भित्र सधैंका लागि भूमिहिन दलित, भुमिहिन सुकुम्बासी र अव्यवस्थित बसोबासीहरुको भूमि सम्बन्धी समस्यालाई अन्त्य गर्न, नेपाललाई भूमिहिनता र सुकुम्बासीमुक्त देश बनाउन लागि रहेका छौं ।”
भूमिहिनदलित, भूमिहिन सुकुम्बासीलाई निशुल्क रुपमाजग्गाउपलब्ध गराउन, अव्यवस्ति बसोबासीहरुलाई तोकिएको शुल्कलिएर जग्ग ाउपलब्ध गराउनका लागि सरकारले राष्ट्रिय भूूमिआयोग गठन गरेको बताउँदै भूमिहिनताको राष्ट्रिय अभियानको रुपमा आयोगले लालपूर्जा तयार गर्ने वितरण गर्ने लगाएतका कामहरु देशव्यापी रुपमा गरिरहेका जानकारी दिए । उनले भने, “देशमा ५० लाखभन्दा धेरै नागरिक भूमिहिनताको अवस्थामा रहेका छन् । अहिले देशैभर बाट साढे १३ लाखभन्दा बढी जनताले राष्ट्रिय भूमिआयोग समक्षनिवेदन पेश गरेका छन् । जस मध्ये ८ लाख ३६ हजार भन्दा धेरै निवेदनहरु कम्प्युटर प्रणालीमा इन्ट्री भएका छन् । १ लाख २५ हजार भन्दा धेरै कित्ताजग्गाहरु नापजाँच भैसकेको छ । २५ सयलालपूर्जा वितरण भैरहेको छ ।” रामपुर नगरका भुमिहिनदलित ५७, भुमिहिन सुकुम्बासी ६१ ज्ना र अव्यवस्थितबसोबासी ४ सय २७जनाको इन्ट्री भएको छ ।
राष्ट्रिय भूमिआयोगजिल्ला समिति पाल्पाका अध्यक्ष मोहनलाल गैरेले पहिलो र दोस्रो चरणमा गरी हाल सम्म रामपुरमा हाल सम्म ६ सय १६ वटा लालपूर्जा वितरण भएको बताए । रामपुरको अव्यवस्थित बसोबासीको समस्या धेरै पहिले देखिको भएकाले प्राथमिकताका साथ अघि बढाएको जानकारी दिए । उनले ६ सय १६ अव्यवस्थित जग्गा धनीपूर्जा वितरणबाट १० करोड २४ लाख ९ हजार ६ सय ३७ राजस्व संकलनभएको छ ।
हाल सम्म ९४ रोपनी, १३ आना, २ पैसा ०९८ दाम क्षेत्रफलको जग्गालाई पूर्जा वितरण गरिएको छ । राष्ट्रिय भूमि आयोग जिल्ला समिति पाल्पाका विज्ञ सदस्य कृष्ण प्रसाद अधिकारीले सबैको साथ र सहयोगले हालसम्मको उपलब्धी प्राप्त भएको बताए । रामपुर नगरपालिकाका नगरप्रमुख रमण बहादुर थापाले नगरपालिका आयोगलाई साथमा लिएर अघि बढेको भन्दै अहिले प्राप्त भएका जग्गाधनी प्रमाण पुर्जा प्रक्रियागत रुपमा दर्ता भए पछि मात्र जग्गाधनी ढुक्क हुने बताए । उनले प्राप्तजग्गाको श्रेस्ताकायम छिटो गर्न अनुरोध गर्दै अव्यवस्थितजग्गामा बनेका घरको अभिलेखिकरण नगरपालिकामा गर्न आग्रह गरे ।