खोज

सन्धिखर्क, २६ वैशाख ।

मालारानी गाउँपालिकाको आयोजनामा सम्पन्न भएको अध्यक्ष कप वडास्तरीय भलिबल प्रतियोगिताको उपाधी वडा नं ८ हंसपुरले जितेको छ ।

मालारानी गाउँपालिका ३ खनदहको आदर्श मावि खेल मैदानमा सोमबार सम्पन्न भएको प्रतियोगितामा वडा नं. ८ ले उपाधी संगै ६० हजार नगद, ट्रफी, मेडल र प्रमाणपत्र हात पारेको हो ।

यस्तै वडानं ९ द्वितीय हुँदै रु ५० हजार नगद सहित ट्रफी मेडल र प्रमाणपत्र, त्यस्तै वडा नं. ५ ले तृतिय हुँदै रु ४० हजार नगद सहित ट्रफी , मेडल र प्रमाणपत्र प्राप्त गरेका छन् । खेलमा मालारानी ८ का खेलाडी सुरज बिक उत्कृष्ट खेलाडी र अनुशासिततर्फ शालिग्राम बाँठा मगर पुरस्कृत भएका छन् ।

विजयी खेलाडिहरुलाई मालारानी गाउँपालिका अध्यक्ष दलबहादुर भट्टराई, शिक्षा अधिकृत रमेश पन्थी, नेकपा माओवादी केन्द्रका पालिका कमिटी अध्यक्ष पदम क्षेत्री लगायतले बधाई सहित शुभकामना व्यक्त गरेका थिए । खेलाडीलाई सम्मान गर्दै गाउँपालिकाका अध्यक्ष दलबहादुर भट्टराईले उत्कृष्ट खेलाडी उत्पादन र खेल क्षेत्रमा पालिकाले थप लगानी गर्ने बताएका छन् ।

यसैबीच खेल अबधिभर उत्कृष्ट खेल प्रदर्शन गर्ने र अनुशासित पुर्वक खेल खेल्ने एक÷एक जना खेलाडीलाई नेकपा माओबादी केन्द्र मालारानी गाउँपालिका कमिटी अध्यक्ष पदम क्षेत्रीले क्रमशः रु ५ हजार र रु १ हजार नगद पुरस्कारले सम्मान गरेका थिए ।

प्रतियोगितामा पालिका भित्रका ९ वटै वडाकोे सहभागिता रहेको थियो । प्रतियोगिता आईतवारदेखि संचालन भएको हो ।