खोज

बुटवल, १० बैशाख ।

नयाँ वर्ष २०८० को स्वागतमा बुटवलमा साइक्लिङ र्याली गरी मनाईएको छ । भाना प्लसको नेपालको आधिकारीक आउटलेट हिमालयन ईन्टरियर प्रालिको प्रायोजन तथा बुटवल युनाईटेड साईक्लिङ क्लबको आयोजनामा साइक्लिङ र्याली गरिएको हो ।

कार्यक्रमको एक समारोहका बीच तिलोत्तमा नगरपालिकाका प्रमुख रामकृष्ण खाँणले शुभारम्भ गर्दै साइकलमैत्री पूर्वाधार निर्माण गर्ने कामलाई नगरमा प्राथमिकता दिएको बताए । नगरका भित्री सडकहरुमा साईकल लेन बनाउन आवश्यक बजेट बिनियोजनसंगै आवश्यक कानुनी र प्राविधिक विषयलाई अघि बढाएको उनले बताए । स्वस्थ जीवन जिउन नियमित साइक्लिङबाट शारीरिक ब्यायाम उपयुक्त हुने उनले दाबी गरे । बुद्धजन्मस्थल लुम्बिनीको पर्यटनमा टेवा मिल्ने गरी साईकललाई जोडेर ३ तहकै सरकारले आवश्यक योजना ल्याउनुपर्ने सुझाव उनले दिए ।

कार्यक्रममा बुटवल उपमहानगरपालिकाका प्रमुख प्रशासकीय अधिकृत टेकराज पन्थीले तराईका मानिसहरुको दैनिक जीविकामा साईकल महत्वपूर्ण पाटो भएको बताए । साईकलको प्रयोगलाई बढावा दिने गरी आवश्यक कानुन निर्माण गरी पूर्वाधार विकास गर्नसके यसबाट आम नागरिकसंगै पर्यटनको आकर्षण साइक्लिङ हुनसक्ने उनले दाबी गरे ।
कार्यक्रममा भाना प्लसको नेपालका लागि आधिकारीक आउटलेट हिमालयन ईन्टेरियर प्रालिका बजार प्रमुख महेन्द्र ढकालले ब्यापारिक प्रतिष्ठानहरु ब्यापार ब्यवसायसंगै सामाजिक कार्यमा समेत सधै अगाडि रहेको बताए ।

मानव स्वास्थ्यलाई फाईदा मिल्ने खालको घर अफिस सजावटमा आफुहरुको गुणस्तरीय भाना प्लसको उत्पादन नेपाली बजारमा बिक्री वितरण गर्दै आएको भन्दै योसंगै सामाजिक योगदानमा लागेको बताए । साईक्लिङमार्फत ब्यापार ब्यवसाय प्रवद्र्धनको अभियान सफल हुने सम्भावनातर्फ औल्याउँदै उनले आगामी दिनमा समेत हातेमालो गरी कार्यक्रम गर्ने प्रतिवद्धता जनाए । विगतबाट नै रक्तदान, विभिन्न पर्वहरुमा सहयोगका साथै अन्य धेरै सामाजिक कार्यमा स्थानीय क्लबहरुसंग सहकार्य गर्दै आएको उनले बताए ।

कार्यक्रममा श्री नंं २२ बाहिनी अड्डाका सहायक बाहिनीपति महासेनानी खेमराज शर्मा, रुपन्देही जिल्ला साईक्लिङ संघका उपाध्यक्ष अभिषेक भारी, बुटवल साईक्लिङ क्लबका अध्यक्ष उत्तम श्रेष्ठ, सचिव राजु तिवारी, साईकल सिटी बुटवलका कोषाध्यक्ष विमल बस्नेत, बुटवल साईक्लिङ ग्रुपका अध्यक्ष चन्द्र सुवेदी, ह्याप्पीका अध्यक्ष सुमन श्रेष्ठले नयाँ वर्षमा स्वास्थ्य र साईकलसंग जोडेर नयाँ सन्देश दिने गरी कार्यक्रम सम्पन्न भएको बताए ।
साईकल र्यालीमा तिलोत्तमा नगरपालिका–४ का क्यान्सरजस्तो दीर्घरोगसंग लड्दै गरेका एचबी बर्मासमेत सहभागी भएका थिए । ६१ वर्षीय साईकल अभियन्ता बर्मा क्यान्सर रोगबारे सचेतना जगाउन महाकाली–मेीिच साइकल यात्रामा बैशाख २८ गते हिड्दैछन । समयमा उपचार गरे क्यान्सरबाट बच्न सकिन्छ भन्ने जागरण लिएर यात्रा गर्न लागेको उनले बताए ।

कार्यक्रमका संयोजक रविलाल सुवेदीले स्थानीय साईक्लिष्ट र साईक्लिङ क्लबहरुको सहकार्यमा विभिन्न समयमा नमुना र सन्देशमूलक कार्य गर्दै आएको बताए । आगामी दिनहरुमा समेत सामाजिक उत्तरदायित्व बहन हुनेगरी रचनात्मक र सहयोग जुटाउने गरी कार्यक्रम गर्ने उनले बताए । र्यालीमा बुटवल, भैरहवा, सैनामैना, नवलपरासी लगायतका ८० बढी साईक्लिष्टहरु सहभागी रहेका थिए ।