खोज

बुटवल, ८ बैशाख ।

शारीरिक सुगठनमा खेलबाट युवाहरुलाई परिचित गराउँदै राष्ट्रियस्तरको खेलाडी उत्पादनमा अग्रसर निवोध एरोबिक एण्ड जिमले आफ्नो नवौ स्थापना दिवस मनाएको छ । खेलाडीहरु बीच आन्तरिक प्रतियोगिता तथा सम्मान कार्यक्रम गरी स्थापना दिवस मनाईएको हो ।

बार्षिक उत्सवको अवसरमा खेलाईका विभिन्न खेलकुद कार्यक्रम अन्तर्गत मेन्स ६५ केजी तल पावर लिफ्टिङमा प्रविन थापाले कुल २ सय ९० केजी तौल उठाउँदै प्रथम, आकाश बर्माले २ सय ९० के.जी तौल उठाउँदै दोस्रो तथा २ सय ४५ केजी तौल उठाउँदै सन्दीप बगाले तेस्रो भएका छन् । यसैगरी मेन्स ६५.१ केजी तौल माथि समुहमा विवेक थापाले ३ सय ८७ केजी तौल उठाउँदै प्रथम भए । यसैगरी जतिन थैवले ३ सय ५० केजी तौल उठाउँदै दोस्रो तथा संदीप सहानीले २ सय ८७ के.जी तौल उठाउदै तेस्रो भए ।

मेन्स टायर फ्लिप एक मिनेट प्रतिष्पर्धामा राजेन्द्र भाट ३२ पटक फ्लिप गर्दै प्रथम, सन्दीप सहानी ३१ पटक फ्लिप गर्दै दोस्रो तथा प्रविन थापाले ३० पटक फ्लिप गर्दै तेस्रो भए ।
वुमन्स डेडलिफ्टमा पुनम थापाले १ सय २५ केजी तौल उठाउँदै प्रथम भए । शोभा कुंवरले १ सय २५ केजी तौल उठाउँदै दोस्रो तथा सन्दीप बगालेले ८५ केजी तौल उठाएर तेस्रो भए । यसैगरी वुमन्स बक्स जम्प १ मिनेटमा प्रतिष्पर्धामा शोभा कुंवरले २४ पटक जम्प गर्दै प्रथम, युवता थापाले २३ पटक जम्प गर्दै दोस्रो तथा मिना दर्लामीले २० पटक जम्प गर्दै तेस्रो भए ।

वुमन्स टायर फ्लिप एक मिनेट प्रतियोगितामा शोभा कुंवर २७ पटक फिल्प गर्दै प्रथम भए । युवता थापाले २० पटक फ्लिप गर्दै दोस्रो तथा सबिना श्रेष्ठले १९ पटक फ्लिप गर्दै तेस्रो भईन । यसैगरी भ्यालुयबल जिम मेम्बर बर्ष –२०७९ बाट रविन श्रेष्ठ, जतिन थैव र रामु रेग्मी पुरस्कृत भए । यस जिमको अनुशासित वर्ष २०७९ बाट पुनम धारा, निरन्तरताको उपस्थिति वर्ष २०७९ विकाश पाण्डे, बडि ईम्प्रोभ वर्ष २०७९ सुशान्त पोख्रेललाई सम्मान गरिएको थियो ।

एक कार्यक्रमका बीच खेलकुद पत्रकार तथा बुटवल टुडे अनलाईनका उपसम्पादक स्वस्तिक श्रेष्ठ, रुपन्देही जिल्ला पावर लिफ्टिङ संघका अध्यक्ष चन्द्रमान श्रेष्ठ, जिमका संचालक मन्जिता राजभण्डारी, सुशिलादेवि श्रेष्ठ, निर्मलादेवि श्रेष्ठ, बिष्णुमान श्रेष्ठले विजेता, उपविजेता खेलाडीहरुलाई मेडल, प्रमाणपत्रबाट पुरस्कृत गरेका थिए । यसैगरी रुपन्देही जिल्ला पावरलिफ्टिङ संघको आयोजनामा भएको प्रतियोगितामा उपाधि विजेता राष्ट्रिय खेलाडी मन्जिला राजभण्डारी, प्रथम मिस्टर उजिरसिंह शारीरिक सुगठन प्रतियोगिता–२०७९ मा सहभागी भई ७० प्लस तौल समूहमा तेस्रो भएका सुरेश दर्नाल, ५५ प्लस तौल समूहमा पाँचौ स्थान हासिल गर्ने नवीन थापालाई सम्मान गरिएको थियो ।