© २०२३
७ मंसिर २०८१, शुक्रबार
७ मंसिर २०८१, शुक्रबार
काठमाडौँ ।
एसीसी प्रिमियर कप अन्तर्गत ओमानसँगको खेलमा घरेलु टोलीले पहिला ब्याटिङ सुरु गरेको छ । कीर्तिपुरस्थित त्रिवि क्रिकेट मैदानमा ओमानले टस जितेर फिल्डिङ रोजेपछि नेपालले ब्याटिङ सुरु गरेको हो ।
तेस्रो ओभरमै नेपालले एक विकेट गुमाएको छ । कुशल भुर्तेल एलबिडब्लु धरापमा परेका छन् । ओमान जिशान मकसुदको कप्तानीमा मैदानमा उत्रिएको छ । नेपालको कमान रोहित पौडेलले सम्हालेका छन् ।
नेपालको यो ५०औं ओडीआई खेल हो। नेपाल आजको खेलमा ओमानलाई हराउँदै समूह विजेताका रुपमा सेमिफाइनलमा पुग्ने सम्भावना बलियो बनाउन चाहन्छ।
नेपाल रहेको समूह ए मा नेपालसहित ओमान, कतार, मलेसिया र साउदी छन्। समूह बी मा हङकङ, युएई, कुवेत, बहराइन र सिंगापुर छन्।
समूहका शीर्ष दुई टोलीले सेमिफाइनलमा स्थान बनाउनेछन्। नेपाल प्रिमियर कप जित्दै एसिया कपमा स्थान बनाउने लक्ष्यमा छ।
नेपालले पहिलो खेलमा मलेसियालाई ६ विकेटले हराएको थियो। ओमानले भने कतारलाई ४० रनले हराएको थियो।
© २०२३
सर्वाधिकार सुरक्षित
Design & Developed By:
