© २०२३
७ मंसिर २०८१, शुक्रबार
७ मंसिर २०८१, शुक्रबार
बुटवल, ४ बैशाख ।
बुटवलमा जारी प्रथम सेभेन ए साइड खुल्ला फुटबल प्रतियोगितामा एमएफसीले विजयी हुँदै अन्तिम १६ मा स्थान बनाएको छ । माउण्ट स्टार युथ क्लव बुटवलको आयोजनामा सोमबार भएको खेलमा एलएडी बेसक्याम्पलाई १–० गोल अन्तरले पराजित गर्दै अन्तिम १६ मा प्रवेश गरेको हो ।
नहरपुर माविको खेलमैदानमा भएको खेलमा एमएफसीको जितमा भुवन गाहाले एकमात्र गोल गरेका थिए । निक्कै प्रतिस्पर्धात्मक खेलको पहिलो हाफ बराबरी भएको थियो । दोस्रो हाफमा उत्कृष्ट हेड गर्दै गाहाले खेलमा गोल गरे । प्रतियोगितामा रुपन्देही र नवलपरासीका ३५ टिमले प्रतिस्पर्धा गरेका छन् । बैशाख ९ गतेसम्म चल्ने प्रतियोगितामा उपाधि बिजेताले नगद ५० हजार रुपैयाँ, ट्रफि, मेडल र प्रमाणपत्र तथा उपबिजेताले नगद २५ हजार रुपैयाँ, ट्रफि, मेडल र प्रमाणपत्रबाट पुरस्कृत गरिने छ । खेलमा बिधागत खेलाडीहरुलाई समेत नगद २ हजार ५ सय रुपैयाबाट पुरस्कृत गरिने आयोजकले बताए ।
© २०२३
सर्वाधिकार सुरक्षित
Design & Developed By:
