खोज

बुटवल(बुटवल टुडे) चैत । बिगत २ वर्षयता निरन्तर सञ्चालन गर्दै आएको राईड टु रानीमहल सिजन ३ यहि चैत १७ र १८ गते हुने भएको छ । जिल्ला साईकलिङ संघ रुपन्देहीले मंगलबार जितगढी किल्लामा पत्रकार सम्मेलन गरि सिजन ३ यहि चैत १७ र १८ गते हुने जानकारी गराएको हो ।
प्रदेश खेलकुद विकास परिषद्को आर्थिक सहयोगमा सञ्चालन हुने राईड टु रानीमहल कार्यक्रमको तयारी तिब्रा पारिएको छ । साईकल चलाऔ,आन्तरिक पर्यटन प्रवद्र्धधन गरौं भन्ने नाराका साथ राईड टु रानिमहल कार्यक्रम गर्न लागेको जिल्ला साईकलिङ संघ रुपन्देही अध्यक्ष पुकार थापाले पत्रकार सम्मेलन मार्फत जानकारी गराए । २०७८ मा कोरोनाले रोकिएको कार्यक्रम तेस्रो सस्करण २०७९मा गर्न लागिएको बताउदै उनले १७ गते शुक्रबार बिहान ७ बजे औपचारिक कार्यक्रम शुरु गरि ८ बजे जितगढीबाट हिड्ने बताए ।
काठमाडौ, रुपन्देही, लमजुङ, हेटौडा, धरान, बाँके,द ाङ लगायतका ९५ जना साईकलिस्टहरुको सहभागीता रहने अध्यक्ष थापाले जानकारी दिए । उनले राइड टु रानीमहलमा सहभागीहरुलाई ईन्ट्री फि २५ सय राखिएको बताउँदै सोही रकमबाट प्रतिव्यक्ती २ लाखको दुर्घटना बीमा गरिएको बताए ।
१२० किलोमीटर लामो कार्यक्रम सञ्चालन गर्न साढे ५ लाख खर्च अनुमान गरिएको अध्यक्ष थापाले बताए । पत्रकार सम्मेलनमा बोल्दै प्रदेश खेलकुद परिषद लुम्बिनीका सदस्य सचिव जयप्रकाश भट्टराईले खेल, स्वास्थ्य र पर्यटन संग जोडिएको बताउँदै कार्यक्रम सफलताको शुभकामना ब्यक्त गरेका थिए । उनले यो वर्ष छोटो समयमा जानकारी पाएको बताउदै अर्को वर्ष देखि प्रदेशको तर्फबाट आर्थिक सहयोगका लागि पहल गर्ने बताए । उनले यो बर्ष प्रदेश खेलकुद परिषदले आर्थिक सहकार्य गरेको जानकारी दिदै आगामी बर्षमा यसलाई अझ बढि विस्तार गर्ने प्रतिवद्धता समेत जनाए । साईकल खेल लाई अझ बढि र व्यापक बनाउन जरुरीरहेको भन्दै उनले स्वाथ्यको दृष्टिकोणबाट यो अत्यान्तै महत्पूर्ण रहेको बताएका थिए ।
जिल्ला खेलकुद बिकास समिति रुपन्देही अध्यक्ष हरि बहादुर क्षेत्रीले पर्यटनसंग जोडेर हुन लागेको कार्यक्रम सफल बनाउन आवश्यक रहेको बताए । उनले वार्षिक रुपमा योजना ल्याएमा कार्यक्रमको लागि बजेटको ब्यवस्थापन गर्न सकिने बताए ।
राईड टु रानिमहलमा विश्व साइकलयात्री पुष्कर शाह प्रमुख आकर्षकको रुपमा रहेको कार्यक्रम संयोजक रिन्जी थापाले जानकारी दिइन । कार्यक्रममा रुपन्देहीका पुर्व जिल्ला शिक्षा अधिकारी टेक बहादुर थापा, नेपाल पत्रकार महासंघ रुपन्देही उपाध्यक्ष विश्वास ढकाल, साईकलिङ संघ रुपन्देही रुपन्देही सचिव अशोक राई लगायतले बोलेका थिए । पत्रकार सम्मेलनमा टिसर्ट सार्वजनिक समेत गरिएको थियो ।