खोज

बुटवल, २८ फागुन ।

रुपन्देहीमा सम्पन्न मध्य पश्चिम पृतना, पृतनापति ट्रफी २०७९ को उपाधि २२ नम्बर बाहिनीले चुमेको छ । प्रधानसेनापति ट्रफी २०७९ लाई लक्षित गरी नेपाली सेनाभित्र रहेका खेलाडीहरुलाई प्लटफर्मसंगै खेलाडी छनौटको आधारका रुपमा खेलाईदै आएको प्रतियोगिताको यसवर्ष उपाधि श्री नं. २२ बाहिनीले चुमेको हो । श्री नं. २२ बाहिनीले ४१ स्वर्ण, ४४ रजत र १४ कास्य पदक प्राप्त गरी उपाधि चुमेको हो । श्री नं. १९ बाहिनीले ३३ स्वर्ण, २८ रजत र १३ कास्य पदक प्राप्त गरी उपविजेतामा चित्त बुझायो ।

प्रतियोगितामा अंकभारमा हेर्दा श्री नं. २२ बाहिनीले ब्यक्तिगततर्फ एथलेटिक्समा ५, तेक्वान्दोमा ३, बक्सिङमा ५, स्विमिङमा ५, टिम ईभेन्टतर्फ भलिबल ५, बास्केटबलमा ३, फुटबल ३ गरि कुल २९ अंक ल्याएको थियो । श्री नं. १९ बाहिनीले प्रतियोगिताको ब्यक्तिगत ईभेन्टमा एथलेटिक्समा ३, तेक्वान्दोमा ५, बक्सिङमा ३, स्विमिङमा ३, टिम ईभेन्टतर्फ भलिबल ३, बास्केटबलमा ५, फुटबल ५ गरि कुल २७ अंक ल्याउदै दोस्रो स्थान हासिल गर्यो । मध्यपश्चिम डिभिजन प्रतियोगिताको ब्यक्तिगत ईभेन्टतर्फ एथलेटिक्समा १, तेक्वान्दोमा १, बक्सिङमा १, स्विमिङमा १, टिम ईभेन्टतर्फ भलिबल १, बास्केटबलमा १, फुटबल १ गरि कुल ७ अंकसहित तृतिय स्थान हासिल गरेको छ ।

प्रतियोगितामा श्री ईश्वरी बक्स गुल्मका हु. चन्द्र बहादुर खत्री श्री नं. २२ बाहिनीबाट स्वीमिङ्ग खेलको विविध विधाहरुमा सहभागिता जनाई ६ वटा स्वर्ण पदक जित्न सफल भएका थिए ।

एक समारोहका बीच श्री नं २२ बाहिनी रामनगर खेलमैदानमा पृतना हेडक्वाटरका पृतनापति उपरथी याम प्रसाद ढकाल, श्री नं २२ बाहिनीका बाहिनीपति सहायक रथि नवराज गुरुङ, प्रदेश खेलकुद परिषद लुम्बिनीका सदस्य सचिव जयप्रकाश भट्टराईले विजेता, उपविजेता खेलाडीहरुलाई पुरस्कार वितरण गरेका थिए ।

नेपाली सेनामा रहेका खेलाडीहरुलाई अवसर सृजना गर्ने तथा राष्ट्रिय अन्तर्राष्ट्रिय प्रतियोगिताको लागि पुर्वअभ्यास र खेलाडी छनौटको आधारका रुपमा प्रतियोगिता संचालन गरिदै आएको पृतना हे.क्वा.का पृतनापति उपरथी याम प्रसाद ढकालले बताए । फागुन २४ गतेदेखि २९ सम्म संचालन भएको थियो ।