खोज

बुटवल, ११ फागुन ।

भारतको राजधानी दिल्लीबाट नेपालको राजधानी काठमाडौसम्म (सिटुसि) को यात्रामा निस्केका साइकलयात्रीहरुलाई बिहिबार बुटवलमा भब्य स्वागत गरिएको छ । दुई देश बीचको आपसी भाइचारा र आपसी सम्बन्ध प्रगाढ बनाउने उद्देश्यसहित ६ दिनमा भारतको राजधानीदेखि नेपालको राजधानीसम्मको १ हजार ४४ किलोमिटर साईकल यात्रा पुरा गर्ने लक्ष्यसहित हिडेको टोली विहिबार साँझ अबेर बुटवल आएका हुन् । बनबासा नाका हँुदै नेपाल प्रवेश गरेका उनीहरु मंगलबार कैलालीको चिसापानीमा बास बसेका थिए । बुधबार दाङको लमहीमा बास बसे । विहिबार बिहान दाङको लमहीबाट हिडेको साईकल यात्रीहरु साँझ बुटवल आईपुगेका हुन् । यात्रालाई पथिल ट्राभल र सिद्धार्थ ग्रुप अफ हस्पिटालिटीले सहयोग गरेको छ । २० फेबअरीमा दिल्लीस्थित इन्डिया गेटबाट सुरु भएको साइकल यात्रा २५ फेबअरीमा नेपालको राजधानी काठमाडौ पुग्ने लक्ष्य रहेको छ ।

बुटवलमा सिद्धार्थ ग्रुप अफ हस्पिटालिटीका निर्देशक महेन्द्र न्यौपाने र म्यानेजर केशव बश्याल, रुपन्देही जिल्ला लन टेनिस संघका अध्यक्ष गोपाल ज्ञवाली, जिल्ला साईक्लिङ संघका उपाध्यक्ष अभिषेक भारी, बुटवल युनाईटेड साईक्लिङ क्लबका अध्यक्ष उत्तम श्रेष्ठ, सचिव राजु तिवारीले उनीहरुलाई खादा र फुलमालाले स्वागत गरिने उनले बताए ।

त्यस अवसरमा बोल्दै भ्रमणको आयोजक द पेडलर्स का रभिन्दर सिह ओभरायले दुई देश बीचको सम्बन्ध प्रगाढ बनाउन साइकलयात्रा शुरु गरिएको बताए । सिद्धार्थ ग्रुप अफ हस्पिटालिटीका निर्देशक महेन्द्र न्यौपानेले साईकल यात्रीहरुलाई स्वागत गर्दै पर्यटन विकासको आधारको रुपमा यो कार्यक्रम उत्कृष्ट भएको बताए ।

पहिलो पटक आयोजना गरिएको यो कार्यक्रम कसरी हुन्छ भन्ने शुरुवातमा धेरै चिन्ता भएको आसिफ मल्वसीले बताए । एउटा देशबाट अर्को देशमा जाँदा बाटाको अवस्था र मानिसहरुको सोचबारे धेरै भ्रम चिर्न सफल भएको उनले बताए । नेपालको सिमानाबाट भित्रिएसंगै यहाँको स्वागतले हामीलाई धेरै प्रफुल्लित बनाएको उनले बताए । धेरै राईडहरु गरेको भएपनि यो राईडमा धेरै राम्रो भएको उनले बताए । हामीहरु जसरी नै
तपाईहरु पनि साईकल चलाएर भारत आउनुस भनेर उनले निम्तो समेत दिए ।

यसैगरी अर्को राईडर डाक्टर मुस्तफाले आफु चार दिनदेखि साईकल चलाउँदा पनि कुनै थकान नआएको बताए । स्वस्थ्य नै धन भएको उनले बताए । खाना फाल्न हुदैन भन्ने अभियानसमेत यसमा चलाउदै आएको उनले बताए । थोरैथोरै सहयोग समेत गर्दै आएको उनले बताए । नेपाल भारत बीचमा रहेको सम्बन्धलाई अझ प्रगाढ बनाउने माध्यम साईकल बन्न सक्ने उनले दाबी गरे । नेपालको विकासमा भारतले निरन्तर सहयोग गर्दै आएको र त्यसलाई निरन्तरता दिनुपर्ने उनको भनाई छ ।

जिल्ला साईक्लिङ संघका उपाध्यक्ष अभिषेक भारीले नेपाल प्रकृतिमा नै धनी देश नेपालको आर्थिक समृद्धिको एउटा महत्वपूर्ण पाटोका रुपमा रहेका पर्यटनलाई साईकल अभियानमा जोड्नुपर्ने सुझाव दिए । आयोजक टिमका जसप्रीत सिहका अनुसार यो साइकल यात्रामा भारतका विभिन्न सहरबाट सहभागी मध्ये एम्बेसडरका रुपमा कनवर गिल सहभागी छन् भने अन्य सहभागीमा मेघा जैन, विनिता शर्मा, डाक्टर मुस्तफा, डाक्टर राहुल, आसिफ मल्वासी, रबिन्दर कुमार सिह छन् । दुई अफिसियल सहित ९ जनाको टिम शुक्रबार बिहान ६ बजे चुम्लिन्टार बास बस्ने गरी हिंडेको छ ।