खोज

बुटवल, ९ फागुन ।

पुर्व गृहमन्त्री तथा राप्रपा नेता कमल थापा र वरिष्ठ लनटेनिस प्रशिक्षक कृष्णराज घलेको जोडीले बुटवलमा जारी लनटेनिस प्रतियोगिताको भेट्रान्समा उपाधि चुमेका छन् । मंगलबार भएको ५५ वर्ष मेन्स डबल्सको फाईनलमा थापा र घलेको जोडीले धर्म सिह लामागादे र राजु गुरुङको जोडीलाई ६–१, ७–५ को सोझो सेटमा पराजित गर्दै उपाधि चुमेका हुन् । राजनीतिमा सक्रिय थापा खेलमा पनि उत्तिकै रुचि राख्छन । उनी आफ्नो समय निकालेर नियमित अभ्यास गर्छन् । उनी बुटवलमा जारी प्रतियोगिताको दुई ईभेन्टमा भाग लिएका छन् । ५५ वर्ष मेन्स सिगलमा पनि उनी फाईनलमा पुगेका छन् । उपाधिमा लागि थापाले अर्का खेलाडी बिमल गुरुङसंग भिड्ने छन् । पहिलो सेमीफाईनलमा बिमल गुरुङले बिनोद कायस्थलाई ६–०, ६–१ अंक र दोस्रो सेमीफाईनलमा कमल थापाले कृष्णराज घलेलाई ६–०, ६–४ पराजित गर्दै फाईनल भिडन्त पक्का गरेका हुन् । फाईनल खेल बुधबार बिहान हुने खेल संयोजक सन्जय प्रकाश श्रेष्ठले बताए । थापासंगै खेलमा साथ दिएका कृष्णराज घले भने लामोसमयदेखी लनटेनिस खेल र खेलाडी उत्पादनमा लागेका छन् । उनी १५ वर्षभन्दा लामो समय जुनियर टेनिस प्रशिक्षणमा छन् । उनी काठमाडौमा लन टेनिस प्रशिक्षण गराउने गर्दछन ।

उपाधि उचाल्ने होडमा माहिका र अभिलाषा

रुपन्देहीमा जारी प्रथम मेयर कप तथा पाँचौ राष्ट्रिय खुला लन टेनिस प्रतियोगिता २०७९ को वुमन्स सिंगलको उपाधिका लागि अभिलाषा बिष्टले माहिका राणासंग भिड्ने भएकी छिन ।

चौथो संस्करणमा उपविजेतामा चित्त बुझाएकी अभिलाषा यसपटक उपाधि चुम्ने दाउमा छिन् । फाईनलमा प्रेरणा कोईरालासंग हार ब्यहोरेकी अभिलाषा विष्ट सामु यसपटक उपाधि भिडन्तमा भने माहिका राणा छिन् । मंगलबार भएको पहिलो सेमीफाईनलमा अभिलापा बिष्टले रायना शाहलाई ६–३, ६–४ को सेट तथा दोस्रो सेमीफाईनलमा माहिका राणाले प्रकृति श्रेष्ठलाई ६–४, ६–१ को सेटले जित निकाल्दै फाईनल भिडन्त पक्का गरेकी हुन् । यसैगरी मेन्स सिगलमा उपाधिका लागि रितिक राना र प्रदिप खड्का बिच बुधबार फाइनल खेल हुने छ । यसैगरी ५५ प्लस मेन्सको उपाधिमा लागि कमल थापा र विमल गुरुङ भिड्ने छन् । पहिलो सेमीफाईनलमा विमल गुरुङले विनोद कायस्थलाई ६–०, ६–१ अंक र दोस्रो सेमीफाईनलमा कमल थापाले कृष्ण गुरुङलाई ६–०, ६–४ पराजित गर्दै फाईनल भिडन्त पक्का गरेका छन् । यसैगरी ३५ प्लस सिगलको उपाधिका लागि सन्तोष खत्री र सिमान्त गुरुङ भिड्ने छन । प्रतियोगिताको ४ वटा विधाको फाईनल खेल बुधबार बिहान हुने छन् ।

विजेतालाई पुरस्कार वितरण

मंगलबार मेन्स डबल्सको फाईनलमा रितिक राना र निशान श्रेष्ठको जोडीले प्रदिप खड्का र नेहाल जेबि थापाको जोडीलाई ६–२, ६–४ अंकले पराजित गर्दै उपाधि चुमेका छन् ।
वुमन्स डबल्समा माहिका राणा र रायना शाहको जोडीले अभिलाष विष्ट र सुभाङकी आर शाहलाई ६–२, ६–२ को सोझो सेटमा पराजित गर्दै उपाधि हात पारेका हुन् । यसैगरि ३५ प्लस मेन्स डबल्सको उपाधि कमल भण्डारी र सिमान्त गुरुङको जोडीले हात पारेका छन । फाईनल खेलमा निरज थापा र सुर्य भुजेलको जोडीलाई ६–०, ६–२ को सेटमा पराजित गर्दै उपाधि जितेका हुन । ४५ प्लस मेन्स सिगलको फाईनलमा रोहित सुनुवारले बिमल गुरुङलाई ६–०, ६–२ को सेटमा पराजित गर्दै उपाधि जितेका छन् । ४५ प्लस मेन्स डबल्समा गोपी भट्टराइ र धर्म सिह लामिछानेको जोडीले लोक गुरुङ र ईन्द्र गुरुङको जोडीलाई ६–०, ६–१ अंकले जित निकाल्दै उपाधि चुमेका छन् । ५५ प्लस मेन्स डबल्समा कृष्ण गुरुङ र कमल थापाको जोडीले धर्म सिह लामागादे र राजु गुरुङको जोडीलाई ६–१, ७–५ को अंकले पराजित गर्दै उपाधि हात पारेका छन् ।

मंगलबार सम्पन्न भएका फाईनल प्रतियोगिताका विजेता, उपविजेता खेलाडीहरुलाई एक समारोहका बिच नेपाल टेनिस संघका के महासचिव बिनोद कायस्थ, निवर्तमान अध्यक्ष मनोज राणा, रुपन्देही लनटेनिस संघका अध्यक्ष गोपाल ज्ञवाली, निवर्तमान अध्यक्ष सन्जय प्रकाश श्रेष्ठ, सल्लाहकार मनोज बस्नेतले पुरस्कार वितरण गरेका छन् । चार विधाको फाईनल र औपचारिक कार्यक्रम भने बुधबार बिहान हुने संघका सचिव सब्बर मियाले बताए ।