© 2026
२३ कार्तिक २०८३, सोमबार
२३ कार्तिक २०८३, सोमबार
तम्घास ।
सुक्खा पहिरोका कारण कालीगण्डकी करिडोर अवरुद्ध भएको छ ।
जिल्ला प्रहरी कार्यालय गुल्मीका अनुसार हर्मिचौर पूर्तिघाट सडक खण्डको कालीगण्डकी गाउँपालिका वडा नम्वर २ अर्वेनी राक्सेमा सोमबार बिहान सडक माथिबाट सुक्खा पहिरो खसेका कारण सडक अवरुद्ध भएको हो ।
सडक खुलाउनका लागि जेसिवीको प्रयोग भइरहेको प्रहरीले जनाएको छ । पहिरो पन्छाउँदै गर्दा पुनः पहिरो खस्ने गरेका कारण सडक खुलाउन समय लागेको प्रहरीको भनाइ छ । बिचमा पुनः पहिरो नखसेमा दुई /तीन घण्टामा पहिरो सफा गरेर सवारी सञ्चालनमा ल्याउन सकिने प्रहरीले अनुमान गरेको छ ।
सडक अवरुद्ध हुँदा लामो तथा छोटो दुरीका सवारीहरु चल्न सकेका छैनन् भने यात्रुहरु बीचबाटोमै रोकिएका छन् । उक्त स्थानमा धेरै पहिरो झर्ने भएकाले पटक पटक सडक अवरुद्ध हुँदै आएको छ ।
© 2026
All rights reserved.
Design & Developed By:
