Butwal Today

लैंगिक हिंसा रोकथाममा सहकार्य आवश्यक

५ आश्विन २०८३, सोमबार
अ
अ+
अ-

चन्द्रौटा । लैंगिक हिंसा रोकथामका लागि स्थानीय तह, समुदाय, बाल अधिकार समिति तथा संघसंस्थाबीच सहकार्य आवश्यक रहेको सरोकारवालाले बताएका छन् । कपिलवस्तुको शिवराज नगरपालिकामा आयोजित स्थानीय बाल अधिकार समिति एल डब्लु.सि.आरको नियमित बैठक तथा क्षमता अभिवृद्धि कार्यक्रममा बोल्दै उनीहरूले हिंसाका घटना न्यूनीकरणका लागि समुदायस्तरबाटै सचेतना र सक्रियता बढाउनुपर्नेमा जोडदिए ।

‘मौनता तोडौँ’ परियोजनाअन्तर्गत आयोजित कार्यक्रममा शिवराज नगरपालिकाका प्रमुख प्रशासकीय अधिकृत पिताम्बर पाण्डे, लक्ष्मी कँडेल, जीविकला केसी, निशा गहतराज र मीना परियारलगायतले सम्बोधन गरेका थिए । वक्ताहरूले लैंगिक हिंसाका घटना लुकाउने प्रवृत्तिको अन्त्य गर्दै पीडितलाई आवश्यक सहयोग र न्यायको पहुँचमा पु¥याउनुपर्ने बताए ।

हिंसा हुन नदिन बालबालिका, महिला तथा समुदायलाई सचेत बनाउनुका साथै घटना भएमा सम्बन्धित निकायमा तत्काल जानकारी गराउनुपर्नेमा उनीहरूको जोडदिए । उनीहरूलाई लैंगिक हिंसा पहिचान, रोकथाम, बाल अधिकार तथा पीडितलाई सहयोग गर्ने उपायबारे क्षमता अभिवृद्धि गराइएको वुमेन एक्ट परियोजनाकी संयोजक सरस्वती डनुवारले जानकारी दिइन् । आइतबार कार्यक्रममा शिवराज नगरपालिका र विजयनगर गाउँपालिकाका दर्जनभन्दा बढी क्लबका अगुवाको सहभागिता रहेको डनुवारले बताइन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

रोल्पामा भलिबल विकासका लागि स्थानीय तहको लगानी बढाउनुपर्नेमा जोड

पुनर्गठन र पुस्तान्तरणको नारामाथि ओलीको जवाफ : दबाबका भरमा नेतृत्व छोड्दिनँ

कोशी कटानको त्रासमा श्रीलङ्का टप्पुका बासिन्दा

अमेरिकाले पुनः आक्रमण गरे नयाँ लक्ष्यहरूमा प्रहार गर्ने इरानको चेतावनी

प्रदेशको आर्थिक स्रोत न्यायोचित बनाउन अन्तरसरकारी वित्त ऐन संशोधन गर्नुपर्छ : अर्थ मन्त्री थारु

ग्यास आपूर्ति सहज बनाउन मन्त्रालयले निरन्तर प्रयास गरिरहेको छः मन्त्री साह

सरकारले कृषि क्षेत्रको आपूर्ति सुधारसम्बन्धी अध्ययन गरिरहेको छः मन्त्री चौधरी

भोटेकोशी-त्रिशूली विपद्सम्बन्धी संसदीय विशेष समिति गठन