Butwal Today

प्रतिनिधिसभा: उठाइएका विषयमा स्पष्ट पार्न विपक्षीको आग्रह

बुटवल टुडे 
२२ श्रावण २०८३, शुक्रबार
अ
अ+
अ-

काठमाडौँ । प्रतिनिधिसभाको आजको बैठकमा विपक्षी दलका सांसदहरूले लामो समयदेखि संसद्मा उठाउँदै आएका विषयमा स्पष्ट पार्न सरकार र सभामुखको ध्यानाकर्षण गराए ।

बढ्दो महँगी नियन्त्रण गर्न र खाना पकाउने ग्यासको अभाव हटाउन अनुरोध गर्दै उनीहरूले संसद्मा उठाएका माग सम्बोधन हुनुपर्नेमा जोड दिए ।

बैठकमा समय लिएर नेकपा (एमाले) का सांसद कृपाराम रानाले नेपालको नक्सामा रहेको लिपुलेक, कालापानी र लिम्पियाधुराका विषयमा पछिल्ला दिनमा विभिन्न टिप्पणी भइरहेकाले त्यसबारे स्पष्ट पार्न सरकारसँग अनुरोध गरे ।

नेपाल कम्युनिष्ट पार्टी (नेकपा) का सांसद युवराज दुलालले संसद्लाई व्यवस्थित, मर्यादित र नियमावलीबमोजिम सञ्चालन गर्ने सभामुखको इच्छाप्रति सम्मान व्यक्त गर्दै प्रधानमन्त्रीले यसअघि संसद्मा जमिन मिचिएको सन्दर्भमा दिएको अभिव्यक्ति संसद्को अभिलेखबाट हटाउन माग गरे ।

श्रम संस्कृति पार्टीका ध्रुवराज राईले आफूहरूले उठाएका विषयमा सरकारले जवाफ नदिएको र सभामुखले पनि समाधानको उपाय नखोजेको भन्दै आपत्ति जनाए ।

राष्ट्रिय प्रजातन्त्र पार्टीकी सांसद खुश्बु ओलीले सुनसरी र सिरहामा हालै भएका घटनामा मृतक तथा घाइते परिवारसँग भएका सहमति कार्यान्वयनका लागि सरकारको ध्यानाकर्षण गराइन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

खाना पकाउने ग्यासको आपूर्ति सहज बनाउन सांसदहरूको जोड

एमाले सांसद बरालद्वारा प्रधानमन्त्री र गृहमन्त्रीको राजीनामा माग

प्रहरी भन्छ : देउवाविरुद्धको मुद्दाबारे रेकर्ड हेरिरहेका छौँ

प्रतिनिधिसभा बैठक : विपक्षी दलहरूको उठेर विरोध

मधेस प्रदेशमा ट्रान्सफर्मर चोरीका घटना बढे

‘परराष्ट्र नीतिको केन्द्रमा आर्थिक कूटनीति छ’

प्रतिनिधिसभाको बैठक बस्दै

प्रतिनिधिसभाको बैठक बस्दै