Butwal Today

भरतपुर विमानस्थलमा इन्धन सेवा सुरु

बुटवल टुडे
७ फाल्गुन २०८२, बिहीबार
अ
अ+
अ-

चितवन ।

यहाँको भरतपुर विमानस्थलमा इन्धन सेवा सुरु गरिएको छ । नेपाल आयल निगम लिमिटेडले बुधबारदेखि इन्धन ‘रिफिलिङ’सेवा सुरु गरेको हो ।

लिमिटेडका कार्यकारी निर्देशक डा. चण्डिकाप्रसाद भट्टले भरतपुरमा हवाई यात्रा गर्ने सवारीको चाप बढेसँगै रिफिलिङ काउन्टर सञ्चालनमा ल्याइएको बताए । उनले हवाई इन्धनका कारण यात्रुलाई असुविधा नहोस् भनेर सेवा सुरु गरिएको बताए ।

हाल यहाँबाट दैनिक आठवटा उडान हुँदै आएको बताउँदै उहाँले आवश्यकताअनुसार हवाई इन्धन भर्न सक्नेगरी व्यवस्था मिलाइएको जानकारी दिए ।

निगमका प्रवक्ता मनोजकुमार ठाकुरका अनुसार भरतपुरमा दुईवटा रिफिलिङ काउन्टर स्थापना गरिएको छ, जहाँबाट दैनिक २२ हजार लिटर हवाई इन्धन उपलब्ध गराउन सकिने छ । हाललाई लिमिटेडको सिनामङ्गल कार्यालयमा रहेका ६ जना कर्मचारीमार्फत सेवा सुरु गरिएको उनले जानकारी दिए ।

यहाँबाट हाल दैनिक भरतपुर–काठमाडौँ–भरतपुर र आंशिक रूपमा भरतपुर–पोखरा– भरतपुर उडान हुँदै आएको छ । बुद्व एयरका स्टेसन म्यानेजर भक्तबहादुर बस्नेतले रिफिल काउन्टर स्थापना भएसँगै यात्रु तथा जहाजलाई सहज भएको बताए । “अब जहाजले तेल बोकेर आउनुपर्ने समस्या हुने छैन, जसका कारण काठमाडौँबाट आउने जहाजमा थप यात्रु ल्याउन पाइने छ”, उनले भने । रासस

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

जन्मकैद तोकिएका प्रतिवादी १३ वर्षपछि पक्राउ

नेपाल–पोर्चुगल द्विपक्षीय परामर्श संयन्त्रको बैठक शुक्रबार

रास्वपाद्वारा फागुन २१ लाई ‘स्वर्णिम इतिहास’ बनाउने आह्वान

मधेसमा बढाइयो सुरक्षा, हेडक्वार्टरले थप्यो ६ हजार प्रहरी

क्रान्तिको आधारभूमिलाई विकासको नमुना बनाउँछौँः प्रचण्ड

पाँच वर्ष कांग्रेसले अब खेर जान दिँदैन: गगन थापा

चुनाव पछि पनि म जनताको साथमा रहनेछु, सके सदनबाट नभए सडकबाट: विश्वदीप

रुपन्देही–२ मा चुन्नको प्रतिवद्धता: प्राथमिकतामा सुशासनसहित शिक्षा, स्वास्थ्य, रोजगारी र पूर्वाधार विकास