Butwal Today

निर्वाचनलाई ऐतिहासिक अवसरका रूपमा लिनुस्: लामिछाने

६ फाल्गुन २०८२, बुधबार
अ
अ+
अ-

धनगढी । राष्ट्रिय स्वतन्त्र पार्टीका सभापति रवि लामिछानेले आसन्न निर्वाचनलाई ऐतिहासिक अवसरका रूपमा लिन आग्रह गरेका छन् । धनगढीमा रास्वपाले आयोजना गरेको परिवर्तन उद्घोष सभालाई सम्बोधन गर्दै लामिछानेले आफ्नै हातले इतिहास लेख्ने अवसर आएको बताएका हुन् ।

‘देशका लागि अब एकसाथ हिँड्नुपर्छ भनेर रवि–बालेनहरू भोलि आउँछन्, आउँदैनन् थाहा छैन । तर, अहिले आएका छन्,’ लामिछानेले भने, ‘यसलाई राष्ट्रिय अवसर र उत्सवका रूपमा लिनुपर्छ ।’ लामिछानेले जनताका अधिकारलाई माग बनााएर वर्षाैंसम्म अल्झाउन काम अब बन्द हुनुपर्ने बताए ।

‘सटर त एउटा बन्द हुनुपर्छ,’ उनले भने, ‘कि हाम्रो बन्द हुनुपर्छ, कि अरुको । कुशासनको, बेथिति, बेरोजगारी र अशिक्षाको सटर बन्द गर्ने हो । २१ गते इतिहास रच्ने हो ।’

पार्टीको एजेन्डा वर्षाैंसम्म भोट बैंक बनाउने र जनताको मागलाई घोषणापत्रमा लेख्ने युगलाई बन्द गर्ने लामिछानेको दाबी छ ।

‘जनताको माग हो, पूरा गर्नुपर्छ,’ उनले भने, ‘त्यसैले पाँच वर्षको स्थायी सरकार मागेका छौँ । पहिलोपटक कुनै राजनीतिक दलले जनतासँग सम्झौता गरेको छ ।’ उनले समानुपातिक र प्रत्यक्षतर्फ मत नबाँड्न आग्रह गर्दै देशको अस्तित्व जोगाउन रास्वपाको पक्षमा मतदान गर्न आग्रह गरे ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

मर्चवारः जहाँ मतदाताले मत परिवर्तन गरिरहन्छन्‌

मतदान स्थलमा खटिए पाल्पाका मतदान अधिकृत

‘मौन अवधि’ के हो ? मौन अवधि उल्लङ्घन भए के कारबाही हुन्छ ?

इरानको आक्रमणबाट गोरखा बोर्लाङका दिवस श्रेष्ठको दुबईमा मृत्यु

मङ्गलबार ग्रस्तोदितखण्डग्रास चन्द्रग्रहण

आगलागीका घटनामा वृद्धि, सावधानी अपनाउन प्राधिकरणको आग्रह

सार्वजनिक बिदाका दिन बैङ्किङ सेवा उपलब्ध गराउन निर्देशन

रूपन्देही–२ मा कांग्रेसलाई सघाएको आरोपमा थापा निलम्बनमा