© 2026
१४ माघ २०८२, बुधबार
१४ माघ २०८२, बुधबार
काठमाडौँ ।
चाइना युनानको युवा टोलीसँगको मैत्रीपूर्ण फुटबलका लागि २० वर्षमुनिको नेपाली राष्ट्रिय महिला टोलीको घोषणा भएको छ ।
अखिल नेपाल फुटबल सङ्घ (एन्फा) ले आज उक्त मैत्रीपूर्ण खेलका लागि २३ सदस्यीय टोली सार्वजनिक गरेको हो । मैत्रीपूर्ण फुटबल आउँदो शनिबार काठमाण्डौको त्रिपुरेश्वरस्थित दशरथ रङ्गशालामा आयोजना हुनेछ ।
चिनियाँ नयाँ वर्षको अवसरमा आयोजना गर्न लागिएको यस खेलले नेपाली महिला युवा टोलीको तयारी तथा अन्तर्राष्ट्रिय अनुभव अभिवृद्धि गर्ने एन्फाले जनाएको छ ।
खेलअघि नेपाल र चीनका विभिन्न सांस्कृतिक विविधता झल्काउने सांस्कृतिक प्रस्तुतिहरू पनि आयोजना गरिनेछ । खेलका लागि चिनियाँ टोली पर्सि नेपाल आइपुग्ने कार्यक्रम रहेको छ ।
© 2026
All rights reserved.
Design & Developed By:
