© २०२३
३ पुष २०८२, बिहीबार
३ पुष २०८२, बिहीबार
काठमाडौँ ।
अमेरिकी राष्ट्रपति डोनाल्ड ट्रम्पले थप पाँच देशका नागरिकलाई अमेरिका यात्रामा प्रतिबन्ध लगाउने निर्णय गर्नुभएको छ ।
यात्रा प्रतिबन्धको दायरा विस्तार गर्दै ट्रम्पले बुर्किना फासो, माली, नाइजर, दक्षिण सुडान र सिरियाका नागरिकमाथि यात्रा प्रतिबन्ध लगाएको अलजजिराले जनाएको छ ।यो कदम थ्यांक्स गिभिङ सप्ताहन्तमा नेशनल गार्डका दुई सैनिकमाथि भएको गोलीकाण्डमा एक अफगान नागरिक पक्राउ परेपछि आएको हो ।
प्रशासनले सुरक्षा जोखिमको कारण देखाउँदै आप्रवासन तथा यात्रासम्बन्धी नियमहरू थप कडाइ गरेको जनाएको छ ।साथै, प्यालेस्टिनी प्राधिकरणद्वारा जारी यात्रा कागजात भएका व्यक्तिहरूमाथि पनि पूर्ण रूपमा यात्रा रोक लगाइएको छ ।
यसअघि, जुन महिनामा ट्रम्पले १२ देशका नागरिकलाई अमेरिका भ्रमणमा पूर्ण प्रतिबन्ध र थप सात देशका नागरिकमाथि आंशिक प्रतिबन्ध लगाउने घोषणा गर्नुभएको थियो ।
© २०२३
सर्वाधिकार सुरक्षित
Design & Developed By:
