खोज

काठमान्डौ, १७ मंसिर ।

बुधबार सेयर बजार नेप्से सूचकांक १३.५२ अंकले घटेर २६३१ अंकमा झरेको छ । यससँगै लगातार चौथो कारोबार दिन बजार ओरालो लागेको छ ।

तर, बजार घट्दासमेत कारोबार रकम भने बढेको छ । बुधबार ५ अर्ब २३ करोड रुपैयाँको कारोबार भएको छ, जुन अघिल्लो दिनको ४ अर्ब ४८ करोडभन्दा बढी हो ।

आज ७४ कम्पनीको शेयर मूल्य बढ्दा १७७ कम्पनीको घटेको छ भने ७ कम्पनी स्थिर रह्यो । समूहगत रुपमा फाइनान्स समूह सबैभन्दा धेरै १.५९ प्रतिशत बढेको छ । यसबाहेक होटल तथा पर्यटन ०.५२ प्रतिशत र उत्पादन तथा प्रशोधन ०.२४ प्रतिशत बढेका छन् ।

कम्तिमा मूल्य घटेका समूहमा जीवन बीमा सबैभन्दा धेरै १.१८ प्रतिशतले घटेको छ । बैंकिङ ०.७५, विकास बैंक ०.५७, हाइड्रोपावर ०.५०, लगानी ०.५१, माइक्रोफाइनान्स ०.४८, निर्जीवन बीमा ०.७४, अन्य ०.५१ र व्यापार ०.३२ प्रतिशतले घटेका छन् ।

आज पाँच कम्पनीको मूल्य १० प्रतिशतले बढेको छ । सागर डिस्टिलरी, मिथिला लघुवित्त, झापा इनर्जी, स्वस्तिक लघुवित्त र श्रीनगर एग्रिटेक ति कम्पनीहरु हुन् ।

त्यसैगरी, ओम मेगाश्री फर्मास्युटिकल्स ७.०२, बुङ्गल हाइड्रोपावर ६.४४, हिमस्टार ऊर्जा ६.२५, बन्दीपुर केबुलकार ५.७७ र माबिलुङ इनर्जी ५.०२ प्रतिशतले मूल्य बढाएका छन् ।

सामलिङ पावरको मूल्य सबैभन्दा धेरै २.८५ प्रतिशतले घटेको छ । आज धेरै कारोबार भएका कम्पनीमा बन्दीपुर केबुलकार, हिमालयन रिइन्स्योरेन्स, ङादी ग्रुप, ट्रेड टावर र सिक्लेस हाइड्रोपावर अग्रस्थानमा छन् ।