खोज

बुटवल, ०६ मंसिर ।

अहिलेको चर्चीत गीत झलि । जुन गीतमा मोडलिङ गरेकी छिन् कुसुम भण्डारी ।

उनी बुटवलको उपमहानगरपालिका १४ को बेलभरियामा जन्मिएकी हुन् । बाल्यकाल उनको बुटवलमै बित्यो । सानैदेखि नै उनले नृत्यको ताल समाउँदै आएकी थिइन । टिभी मोबाइलमा भजन बज्दा नाची हाल्ने ।

नायिका स्वस्तिमा खड्काको म्युजिक भिडियो हेर्ने, फिल्म हेर्ने गरेको र स्वस्तिमाबाट प्रभावित भएको कुसुम बत्ताउँछिन् । विद्यालयमा हुने सांस्कृतिक कार्यक्रम र प्रतियोगिताहरूमा उनी सक्रिय रूपमा भाग लिन्थिन् ।

कक्षा ३ मा ‘माइती घर’ गीतमा नाचेपछि पाएको प्रशंसाले उनलाई निकै हौसला मिलेको थियो । उनी भन्छिन्, त्यो नाचेदेखि सबैबाट राम्रो प्रशंसा पाएँ, त्यसपछि देउसी भैलोमा पनि नाच्न थालेँ ।

तर विद्यालयका कार्यक्रम बाहेकका कार्यक्रममा सहभागी हुने अवसरै मिल्दैनथ्यो । बाबा रोजगारीको सिलसिलामा विदेश भएको र घरबाट बाहिरी कार्यक्रममा भाग लिन अनुमति नभएको उनको भनाई छ ।

नेपालका रियालिटी सोहरूले उनको मनमा ठुलो मञ्चमा पुग्ने सपनाको बिउ रोपेको छ । तर काठमाडौँको दुरीले उनको त्यो सपना अधुरै छ । उनको आमालाई भने छोरी मोडल बनोस् भन्ने सपना थियो । त्यसले भने उनलाई मोडलिङमा साथ मिल्यो ।

कक्षा १० मा पढ्दा उनी स्कुल ट्यालेन्ट हन्ट प्रतियोगितामा उपाधि हासिल गरिन् । त्यो उनका लागि सफलताको पहिलो उचाइ थियो । उनका अनुसार यो खबरले उनको बाबा खुसी भएनन् । बाबाको सपना बैकमा जागिर होस् । मेरो र आमाको सपना मोडल बन्न सकूँ भन्ने थियो ।

अगाडीको कुरा सम्झिँदै उनले भनिन्, लुकी लुकी कार्यक्रममा सहभागी भए । कक्षा १२ को परीक्षा दिएर बसेको थिए, झलिको गीतको लागि अवसर आयो । खुसीको सीमा थिएन । तर बाबा विदेशबाट घर आएको हुँदा धेरै समय बाबालाई मनाउन लाग्यो ।

त्यसपछि मैले झलिको गीतमा अभिनय गर्ने अवसर पाए, उनले भनिन् । झलिको गीत सार्वजनिक भयो अहिले बाबा धेरै खुशी हुनुहुन्छ । गीतले बाबाको सोचमा परिवर्तन ल्यायो । छोरी राम्रो कलाकार बन्नुपर्छ भन्नुहुन्छ । थिएटर सिक्न काठमाडौँ जानुपर्छ भन्नू हुन्छु उनले भनिन ।

झलिको गीत कुसुमले अभिनय गरेको पहिलो गीत हो । अहिले उनी काठमाडौँमा अभिनय सिक्दै छिन् । अभिनय सिकेर नायिका बन्ने चाहाना पालेको उनले बताइन ।