© २०२३
२१ मंसिर २०८२, आइतबार
२१ मंसिर २०८२, आइतबार
काठमान्डौ, २७ कार्तिक ।
सुनको भाउ फेरि साढे दुई लाख नाघेको छ । नेपाल सुनचाँदी व्यवसायी महासंघले बिहीबार सुनको भाउ प्रतितोला २ लाख ५० हजार २०० रुपैयाँ तोकेको छ ।
अघिल्लो दिनको तुलनामा आज सुनको भाउ प्रतितोला ५ हजार ९ सय रुपैयाँले वृद्धि भएको हो । अघिल्लो दिन सुनको कारोबार २ लाख ४४ हजार ३ सय रुपैयाँमा भएको थियो ।
अन्तर्राष्ट्रिय बजारमा बिहीबार सुनको भाउ प्रतिऔंस ४,२०० डलर नाघेको छ । यसअघि अन्तर्राष्ट्रिय बजारमा सुनको भाउ प्रतिऔंस ४,३८१ डलरसम्म पुगेको रेकर्ड छ। नेपाली बजारमा पनि असोज ३१ गते सुनको भाउ प्रतितोला २ लाख ५८ हजार रुपैयाँसम्म पुगेको थियो ।
त्यसैगरी, चाँदीको मूल्यमा पनि बढोत्तरी देखिएको छ । अघिल्लो दिनको तुलनामा चाँदीको भाउ प्रतितोला १७० रुपैयाँले बढेको छ। बिहीबार प्रतितोला ३,३४५ रुपैयाँमा चाँदीको कारोबार भएको महासंघले जनाएको छ । यसअघि असोज ३१ गते चाँदीको भाउ ३,३५० रुपैयाँको रेकर्डमा पुगेको थियो ।
© २०२३
सर्वाधिकार सुरक्षित
Design & Developed By:
