© 2026
१४ माघ २०८२, बुधबार
१४ माघ २०८२, बुधबार
दाङ ,१६ कात्तिक ।
विद्युत् लाइन काटिएपछि बन्द भएका घोराही र सोनापुर सिमेन्ट उद्योगका मजदुरले आज आइतबार नेपाल विद्युत् प्राधिकरण घोराही वितरण केन्द्रमा धर्ना दिएका छन् ।
’मजदुरको रोजगारी ग्यारेन्टी गर, बन्द उद्योग खुला गर’ मजदुर मार्न पाइँदैन भन्ने नारा लगाउँदै उनीहरूले प्रदर्शन गरेका छन् । प्राधिकरणले कात्तिक ४ गते घोराही सिमेन्ट र कात्तिक ७ गते सोनापुर सिमेन्ट उद्योगको विद्युत् आपूर्ति बन्द गरेपछि दुवै उद्योग बन्द भएका छन् ।
घोराही सिमेन्ट उद्योगले दैनिक ३ हजार मेट्रिक टन क्लिंकर र आवश्यकताअनुसार सिमेन्ट उत्पादन गर्दै आएको थियो । उद्योग बन्द भएपछि ६ सय कामदार र कर्मचारी कामविहीन भएका छन् ।सोनापुर सिमेन्ट उद्योगले दैनिक ३५ हजार बोरा सिमेन्ट उत्पादन गर्दै आएको थियो ।
उद्योग बन्द भएपछि ३ सय ५० कर्मचारीलाई अर्को सूचना नभएसम्म काममा नआउन भनिएको छ ।
घोराही सिमेन्ट उद्योगको ५० करोड ८५ लाख र सोनापुर सिमेन्ट उद्योगको २४ करोड ३० लाख रुपैयाँ विद्युत् बक्यौता रहेको भन्दै प्राधिकरणले लाइन काटेको जनाएको छ ।
© 2026
All rights reserved.
Design & Developed By:
