© २०२३
२० मंसिर २०८२, शनिबार
२० मंसिर २०८२, शनिबार
बुटवल, १६ कार्तिक ।
पूर्व–पश्चिम राजमार्गअन्तर्गत दाउन्ने खण्डमा सवारी साधनको लामो जाम भएपछि यात्रुहरू समस्यामा परेका छन् । निरन्तरको वर्षाका कारण सडक चिप्लो बनेको र केही सवारी साधन बिग्रिएर बाटोमै रोकिँदा यातायात अवरुद्ध भएको हो ।
अरुणखोला र चोरमाराको जंगल क्षेत्रसम्म सयौँ सवारी साधन रोकिएका छन् । स्थानीयका भनाइमा सो क्षेत्रमा करिब ४०० गाडी लाम लागेर रोकिएका छन् ।
जिल्ला प्रहरी कार्यालय, पूर्वी नवलपरासीका प्रहरी निरीक्षक मोहन खड्काका अनुसार दाउन्ने खण्डमा अहिले अत्यधिक सवारी चाप छ । “दाउन्ने सडकको तिसठ्ठी मोडमा चार ट्रक र एक बस बिग्रिएर रोकिएकाले राजमार्ग एकतर्फी सञ्चालनमा आएको छ,” उनले भने, “वर्षाका कारण बाटो चिप्लो भएकोले हिजोदेखि नै समस्या बढेको छ ।”
खड्काका अनुसार थुप्रै संख्यामा यात्रुहरु सडकमै अलपत्र परेका छन् ।
© २०२३
सर्वाधिकार सुरक्षित
Design & Developed By:
