© 2026
१५ माघ २०८२, बिहीबार
१५ माघ २०८२, बिहीबार
बुटवल, ९ कात्तिक ।
ललितपुर महानगरअन्तर्गत महालक्ष्मी नगरपालिका–५ टिकाथलीस्थित राधाकृष्ण खानेपानी ट्याङ्की नजिकै हनुमन्ते खोला किनारमा प्रहरीले लोड गरिएको एक थान पेस्तोल फेला पारेको छ।
गोप्य सूचनाको आधारमा वृत सातदोबाटोबाट खटिएको सिभिल टोली र प्रहरी चौकी टिकाथलीको संयुक्त टोलीले आइतबार दिउँसो करिब २ बजेतिर सो पेस्तोल फेला पारेको ललितपुर प्रहरी परिसरले जनाएको छ।
प्रहरीका अनुसार ५५०१०५०१ नम्बरको टाइप–५४ मोडलको चाइनिज पेस्तोल म्याग्जिनसहित र त्यसमा तीन राउण्ड गोली लोड गरिएको अवस्थामा भेटिएको हो।
फेला परेको पेस्तोलको मुचुल्का तयार पार्ने कार्यका लागि वृत सातदोबाटोबाट थप टोली खटाइएको र घटनाबारे प्रारम्भिक अनुसन्धान सुरु गरिएको प्रहरीले जनाएको छ।
प्रहरीका अनुसार हतियार कसले, किन र कहाँबाट ल्याएको भन्नेबारे विस्तृत अनुसन्धान भइरहेको छ।
© 2026
All rights reserved.
Design & Developed By:
