© 2026
१४ माघ २०८२, बुधबार
१४ माघ २०८२, बुधबार
दाङ,४ कार्तिक ।
नेपाल विद्युत् प्राधिकरणले चार कम्पनीको बिजुलीको लाइन काटेको छ । प्राधिकरणले घोराही सिमेन्ट (दाङ), अर्घाखाँची सिमेन्ट (लुम्बिनी), त्रिवेणी स्पिनिङ (परवानीपुर) र जगदम्बा स्टील (अमलेखगञ्ज)को बिजुलीको लाइन काटेको हो ।
यी कम्पनीहरूमा आज बिहान ६:२० बजेदेखि ७ बजेको बिचमा लाइन काटिएको हो । बिजुलीको बक्यौता बापतको रकम नतिरेकाले लाइन काटेको प्राधिकरणको भनाइ छ ।
जगदम्बाको १ अर्ब ६० करोड, घोराही सिमेन्टको ५० करोड ८५ लाख, अर्घाखाँचीको ४४ करोड ८४ लाख र त्रिवेणीको ३२ करोड १० लाख रुपैयाँ रहेको छ । यो बक्यौता २०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको थप महसुल बापतको हो ।
डेडिकेटेड तथा ट्रंक लाइन विवाद कायमै रहेका बेला नेपाल विद्युत् प्राधिकरणले त्यस बाफतको बक्यौता भुक्तानी गर्न अन्तिम पटकका लागि भन्दै २१ दिनको अल्टिमेटम दिएको थियो । अल्टिमेटम सकिएसँगै प्राधिकरणले उद्योगहरूको लाइन काट्न सुरु गरेको हो ।
© 2026
All rights reserved.
Design & Developed By:
