© 2026
१९ माघ २०८२, सोमबार
१९ माघ २०८२, सोमबार
काठमाडौं, ३१ असोज ।
प्रधानमन्त्री सुशीला कार्कीले देशमा जरो गाडेर फैलिएको भ्रष्टाचारविरुद्ध कडा कदम चाल्दै अभियोग चलाउन फाइलहरू खोलिएको जानकारी दिएकी छिन् ।
शुक्रबार विभिन्न कूटनीतिक निकायका प्रमुख तथा राजदूतहरूलाई दिइएको ब्रिफिङका क्रममा उनले यस्तो बताएकी हुन् । प्रधानमन्त्री कार्कीले भनिन्, “हामीले पारदर्शिता प्रवर्द्धन गर्न तथा सार्वजनिक कोषको दुरुपयोग रोक्न राष्ट्रिय बजेटमा संशोधन गरेका छौं । साथै, व्यापक रूपमा फैलिएको भ्रष्टाचार र भ्रष्टाचारीमाथि कारबाही गर्न फाइलहरू खोलेका छौं ।”
उनले वर्तमान सरकारले जवाफदेहिता सुनिश्चित गर्नका लागि तत्कालीन कदमहरू चालिरहेको पनि स्पष्ट पारेकी छिन् । प्रधानमन्त्री कार्कीले नेपालले संयुक्त राष्ट्रसंघीय शान्ति स्थापनाका कार्यहरूमा सबैभन्दा बढी फौज पठाउने देश भएकोमा गर्व व्यक्त गरिन् ।
“यो विश्व शान्तिमा हाम्रो सामान्य तर अर्थपूर्ण योगदान हो,” उनले भनिन् ।
© 2026
All rights reserved.
Design & Developed By:
