खोज

भैरहवा, २ पुस ।

भैरहवा महोत्सवको स्टल न्ं १७२ मा उपभोक्ताको अत्यधिक चाप हुँदा सञ्चालक सुकुन रसाइली खुशीले गदगद भइन् ।

मुस्ताङ जिल्लाको घरपझोङ्ग गाउँपालिका २ मा ब्यवसाय गरेकी सुकुन रसाइलीले आफ्नो उद्योगमा उत्पादित फलफुल तथा तरकारी, जाम÷क्याण्डी, आलु चिप्स, खुर्सानीको जाम÷सकुटी, सिस्नोको पाउडर, दाल, जिम्मु, फापरको पिठो, ओखर, टिमुरको छोप, अचार, रातो मकैमा भैरहवाको स्टलमा उपभोक्ताको भिडभाड रहेको छ ।

“मुस्ताङको सामग्री भनेर धेरैको आकर्षण रहेको छ, आयोजकदेखि उपभोक्ताहरुको अत्यधिक भिडभाड छ, दैनिकी १५ देखि १८ हजारसम्म बिक्री हुन्छ”–रसाइलीले भनिन् । मुस्ताङ जिल्लामा स्याउका परिकारहरु, स्याउको सुकुटी, स्याउको जाम, स्याउ क्याण्डी, मुस्ताङको आलु चिप्स पोखरा तिर धेरै माग हुने गरेको छ, रसाइलीले भनिन्, लोकल अर्गानिक र हाइजेनिक हो ।

मार्फा फलफुल तथा तरकारी प्रशोधन उद्योगकी सञ्चालक सुकुन रसाइलीले मुख्य उद्देश्य भनेको मुस्ताङ्मा आउने बाह्य र आन्तरिक पर्यटकलाई हाइजेनिक प्रविधिबाट प्रशोधन गरी लेभलिङ प्याकिङ गरी बिक्री गरेर स्वरोजगार सँगसँगै अरुलाई पनि रोजगार दिने उद्योगको मुख्य उद्देश्य रहेको बताइन् ।

महिला हिँसा आर्थिकसँग जोडिएको रसाइलीको तर्क रहेको छ । “महिला अंगाडि आउन आर्थिकरुपमा सबल हुनुपर्छ । एक घर एक उद्यमी नेपाल सरकारले नारा मात्रै ल्यायो साँच्चीकै एक घर एक उद्यमी बनाउने हो भने हाम्रो देश नेपाललाई कृषि प्रधान देश बनाउने हो भने महिलालाई कृषिमा अंगाडि ल्याउनुपर्छ” रसाइलीले भनिन् ।

“म महिला उद्यमी हो मैले सरकारलाई भन्न चाहन्छु, कोभिडले गर्दा ब्यवसायहरु मारमा परेका छन्, कृषि उद्यमी महिलाको काँधमा थपिएको छ” रसाइली भन्छिन्, “महिला उद्योगलाई सहयोग गर्ने अनुदान दिने हो भने उद्योग खोलेर धेरै रोजगार दिन सकिन्छ । महिलासंग लालपुर्जा हुँदैन महिलालाई सरकारले अनुदानको ग्यारेन्टी गर्नुपर्छ ।”

भैरहवा महोत्सवमा मुस्ताङको मार्फा फलफुल तथा तरकारी प्रशोधन उद्योगमा स्याउको सुकुटी ६० ग्रामको २ सय, फ्रेस स्याउ ३ सय रुपैयाँ किलो, टिमुरको छोप २ सय रुपैयाँ, ग्रेबी अचार ३ सय ग्रामको ५ सय रुपैयाँमा बिक्री भएको सञ्चालक रसाइलीले बताइन् ।

सिद्धार्थ उद्योग वाणिज्य संघका अध्यक्ष भिष्म प्रसाद न्यौपानेले मुस्ताङबाट मार्फा, स्याउ र सुकुटी देखाएको र त्यसको प्रबद्र्धन गर्न खोजेको बताए । मेलालाई थप आकर्षण गर्नका लागि र थप ब्यावसायिक प्रवद्र्धनका लागि जुम्ला उद्योग वाणिज्य संघका अध्यक्ष चार दिन सम्म बसेर मेला अवलोकन गरेर समेत गएको बताए ।