© २०२३
२१ मंसिर २०८२, आइतबार
२१ मंसिर २०८२, आइतबार
काठमान्डौ, २९ असोज ।
नेकपा एमालेका अध्यक्ष केपी शर्मा ओलीले पार्टी कमजोर नभएको स्पष्ट पार्दै, कसैले पनि ‘एमाले सधैंका लागि सरकारबाट हट्यो’ भन्ने भ्रम नपाउन चेतावनी दिएका छन् ।
एमालेको केन्द्रीय कमिटी बैठकमा सम्बोधन गर्दै उनले भने, “कसैले अब सधैंका लागि एमाले सरकारबाट हट्यो भन्ने ठानेको होला, तर यो भ्रम नपाले हुन्छ । एमाले राजनीतिक र आर्थिक विकासको नायकत्व दिइरहेको पार्टी हो, र व्यवहारले यसलाई पुष्टि गरेको छ ।”
अध्यक्ष ओलीले अहिलेको आर्थिक परिस्थितिबारे पनि टिप्पणी गर्दै विश्व बैंकको प्रतिवेदनले पुष्टि गरेको छ कि एमाले सरकारमा हुँदा र नहुँदा देशको अवस्था फरक देखिन्थ्यो । उनले उल्लेख गरे, “विश्व बैंकले यस वर्ष नेपालको आर्थिक वृद्धिदर ३ प्रतिशत घट्ने सम्भावना देखाएको छ। यसले सरकारको भूमिका र प्रभावलाई स्पष्ट पार्छ ।”
उनी थप्छन् एमालेले देशको स्वाभिमान कायम गर्न निरन्तर काम गरिरहेको छ र आर्थिक र दिगो विकासका लक्ष्यमा प्रगतिशील कदम चाल्दै, अर्को वर्ष नेपाललाई अल्पविकसित राष्ट्रबाट विकसित राष्ट्रमा रूपान्तरण गर्न अनुकूल स्थिति सिर्जना गरिसकेको छ ।
© २०२३
सर्वाधिकार सुरक्षित
Design & Developed By:
