Butwal Today

सभामुखद्वारा बोलाइएको बैठकमा जसपा, जनमत र नाउपा पनि गएनन्

बुटवल टुडे
२९ आश्विन २०८२, बुधबार
अ
अ+
अ-

काठमान्डौ, २९ असोज ।

सभामुख देवराज घिमिरेले संसद् पुनर्स्थापनाको मागसँग सम्बन्धित धारणा तय गर्नका लागि बोलाएको सर्वदलीय बैठकमा चार राजनीतिक दल सहभागी भएका छैनन् ।

सभामुख घिमिरेले विघटित प्रतिनिधि सभामा रहेका सबै दलका नेताहरूलाई सिंहदरबारस्थित आफ्नो कार्यकक्षमा छलफलका लागि आह्वान गरेका थिए । तर, राष्ट्रिय स्वतन्त्र पार्टी (रास्वपा), जनता समाजवादी पार्टी (जसपा), जनमत पार्टी र नागरिक उन्मुक्ति पार्टी (नाउपा) का नेताहरू बैठकमा उपस्थित भएनन् ।

हाल बैठकमा नेपाली कांग्रेसका श्यामकुमार घिमिरे, नेकपा एमालेका महेश बर्तौला, नेकपा माओवादी केन्द्रका हितराज पाण्डे, राष्ट्रिय प्रजातन्त्र पार्टी ९राप्रपा०का ज्ञानेन्द्र शाही, नेकपा एकीकृत समाजवादीका राजेन्द्र पाण्डे र जसपा नेपालकी नेतृ रेखा यादव सहभागी छन् ।

संसद् विघटनपछि उत्पन्न संवैधानिक जटिलतालाई समाधान गर्न सभामुखले अदालत जानु उपयुक्त हुन्छ वा हुँदैन भन्ने विषयमा साझा धारणा बनाउन बैठक आह्वान गरिएको हो । बैठकमा सहभागी दलका नेताहरूबीच संसद् पुनर्स्थापनाको आवश्यकता र सम्भावित कानुनी प्रक्रियाबारे छलफल भइरहेको स्रोतले जनाएको छ ।

सम्बन्धित खबर

साफ महिला च्याम्पियनसिप: बङ्गलादेशसँग भारत पराजित

जेनजी युवासँग विनोद चौधरीको संवाद

नेपाल आदिवासी ज्ञान सम्मेलन हुने

‘भिटामिन डी को कमीले शरीरमा विविध समस्या ल्याउँछ’

प्राविधिक समस्याका कारण ‘गाजा प्रशासनिक समिति’को प्रवेशमा ढिलाइ

एकैघरका दाजुभाइले पाए पहिलोपटक आमाको नामबाट नागरिकता

समयमा भुक्तानी नपाउँदा बाँकेका साना निर्माण व्यवसायी समस्यामा

ट्राफिक प्रहरी कार्यालयलाई ‘सोल्जर लाइट’ प्रदान