© २०२३
६ पुष २०८२, आइतबार
६ पुष २०८२, आइतबार
काठमान्डौ, ७ असोज ।
यस वर्षको मनसुन दशैँको मुख्य दिनसम्म सक्रिय रहने भएको छ । मौसम पूर्वानुमान महाशाखाका अनुसार दशैँ अवधिभर मनसुनको प्रभाव रहनेछ भने असोज २१ गतेपछि पश्चिम नेपालबाट क्रमशः यसको समापन हुने अपेक्षा गरिएको छ ।
महाशाखाकी मौसमविद् प्रतिभा मानन्धरका अनुसार दशैँको मुख्य दिन ठूलो वर्षाको सम्भावना नरहे पनि कतिपय स्थानमा हल्का देखि मध्यम वर्षा हुने अनुमान छ । त्यस्तै, बीच–बीचमा घाम लाग्ने र बादल लाग्ने मिश्रित मौसम रहने सम्भावना पनि रहेको छ ।
महाशाखाले यात्रुहरूलाई सतर्क रहन आग्रह गरेको छ । मनसुन सक्रिय रहने भएकाले आवागमन अघि मौसमसम्बन्धी अद्यावधिक जानकारी लिन तथा सम्भावित जोखिमबाट बच्न सतर्कता अपनाउन सुझाव दिइएको छ । वर्षासँगै बाढी–पहिरोको खतरा बढ्न सक्ने र कतिपय स्थानमा सडक अवरुद्ध हुने सम्भावना रहेकाले विशेष सावधानी अपनाउन महाशाखाले आग्रह गरेको छ ।
© २०२३
सर्वाधिकार सुरक्षित
Design & Developed By:
