© २०२३
२१ मंसिर २०८२, आइतबार
२१ मंसिर २०८२, आइतबार
काठमाडौँ, १६ साउन ।
पाकिस्तानले जेलमा रहेका पूर्वप्रधानमन्त्री इमरान खानको पार्टी पाकिस्तान तहरिक-ए-इन्साफ (पीटीआई) का १०८ सदस्यलाई जेल सजाय सुनाएको छ। ती सदस्यमाथि सन् २०२३ मा सेना विरोधी प्रदर्शनमा भाग लिने आरोप छ।
मे २०२३ मा सुरक्षा बलले भ्रष्टाचार मुद्दामा अदालतमा उपस्थित हुने क्रममा इमरान खानलाई पक्राउ गरेपछि देशभर हिंसात्मक विरोध प्रदर्शन सुरु भएको थियो। त्यसै विरोध प्रदर्शनसँग सम्बन्धित मुद्दामा बिहीबार भएको फैसलामा १८५ अभियुक्तमध्ये १०८ जनालाई दोषी ठहर गरिएको हो भने बाँकी ७७ जनालाई सफाइ दिइएको छ।
फैसलाबादको आइएसआई भवनमा भएको आक्रमणसम्बन्धी मुद्दामा अदालतले ५८ जनालाई १० वर्षको जेल सजाय सुनाएको छ। सजाय पाउनेमा पाकिस्तानको राष्ट्रिय सभामा विपक्षी दलका नेता ओमर अयुब खान पनि छन्, जसलाई १० वर्ष जेल सजाय दिइएको छ।
यो निर्णय पाकिस्तान तहरिक-ए-इन्साफका लागि ठूलो झटका मानिएको छ। विपक्षी नेताहरूले आतंकवादविरोधी अदालतको यस निर्णयको कडा आलोचना गरेका छन्। साथै, यसै निर्णयमार्फत पीटीआईका ६ सांसदलाई पनि सांसद पदबाट अयोग्य घोषणा गरिएको छ।
© २०२३
सर्वाधिकार सुरक्षित
Design & Developed By:
