© २०२३
२० मंसिर २०८२, शनिबार
२० मंसिर २०८२, शनिबार
काठमाडौं, १२ साउन ।
विश्व स्वास्थ्य संगठन (डब्लुएचओ) ले गाजामा कुपोषणको अवस्था अत्यन्तै चिन्ताजनक रहेको जनाएको छ । केही राहत सामग्री वितरण शुरु भएपछि डब्लुएचओले यस्तो चेतावनी दिएको हो।
इजरायलले गाजामा दैनिक १० घण्टा सैन्य कारबाही रोक्ने निर्णय गरेपछि जोर्डन र यूएईले हवाईमार्गबाट २५ टन राहत पठाएका छन्। इजिप्ट र जोर्डनबाट राहत बोकेका ट्रक पनि गाजा प्रवेश गरेका छन्।
तर, राहत मार्ग नजिकै इजरायली गोलीबारीमा कम्तीमा ९ जना मारिए र ५४ जना घाइते भएका छन्। नत्जारिम कोरिडोरमा राहतका लागि पर्खिरहेका नागरिकमाथि पनि आक्रमण भएको छ।
इजरायली सेनाले शंकास्पद समूह नजिकिँदा चेतावनी स्वरूप गोली चलाएको दाबी गरेको छ। सहायता संस्थाहरूले सीमित राहतबाट अराजकता बढ्ने चेतावनी दिएका छन्।
प्रधानमन्त्री नेतन्याहुले युद्धको लक्ष्य पूरा नभएसम्म लडाइँ जारी रहने स्पष्ट पारेका छन्। संयुक्त राष्ट्रसंघले इजरायलमाथि राहत आपूर्तिमा अवरोध पुर्याएको आरोप लगाएको छ।
© २०२३
सर्वाधिकार सुरक्षित
Design & Developed By:
