© 2026
१५ माघ २०८२, बिहीबार
१५ माघ २०८२, बिहीबार
काठमाडौं, ७ साउन ।
नेपाली सेयर बजार लगातार उकालो लाग्दै आज बुधबार पनि ५.१७ अंकले वृद्धि भई नेप्से परिसूचक २९८० अंकमा पुगेको छ।
दिनभर उतारचढाव देखिएको बजार २:१० बजे २९५१ अंकमा झरेको थियो, तर खरिद पक्ष बलियो बनेपछि अन्त्यमा उकालो लाग्दै २९७८ अंकमा बन्द भयो।
कारोबार रकम सामान्य घट्दै १९ अर्ब ५७ करोड रुपैयाँमा सीमित रह्यो। अघिल्लो दिन २० अर्ब ८ करोड रुपैयाँको कारोबार भएको थियो। आज ९८ कम्पनीको मूल्य बढ्दा १५२ कम्पनीको घटेको छ।
उपसमूहहरूमा फाइनान्स समूह ३.२३ प्रतिशतले बढेर अगाडि रह्यो। हाइड्रोपावर, लगानी, उत्पादन तथा प्रशोधन, अन्य, र व्यापार समूहमा समेत सामान्य वृद्धि देखिएको छ।
विपरीत, होटल तथा पर्यटन, बैंकिङ, विकास बैंक, जीवन बीमा, माइक्रोफाइनान्स र निर्जीवन बीमा समूह घटेका छन्।
नयाँ सूचीकृत दुई कम्पनी — ट्रेड टावर र सान्भी इनर्जी — को मूल्य १० प्रतिशतले बढ्दै क्रमशः ५८९.३० र ५२५.४० रुपैयाँ पुगेको छ।
अझै मूल्य वृद्धि गर्ने प्रमुख कम्पनीहरूमा ग्रीन भेन्चर्स, लिबर्टी इनर्जी र बेस्ट फाइनान्स रहे भने मूल्य घट्नेमा भूगोल इनर्जी, ग्रिन डेभलपमेन्ट बैंक, अभियान लघुवित्त र आरएसडीसी लघुवित्त छन्।
आज धेरै कारोबार भएका कम्पनीहरूमा हिमालयन रिइन्स्योरेन्स, शिवम् सिमेन्ट, निफ्रा, बुटवल पावर र नेपाल पुनर्बीमा रहेका छन्।
© 2026
All rights reserved.
Design & Developed By:
