© २०२३
२० मंसिर २०८२, शनिबार
२० मंसिर २०८२, शनिबार
काठमाडौं ।
इंग्लिस प्रिमियर लिग क्लब लिभरपुलका पोर्चुगिज फरवार्ड डिएगो जोटाको कार दुर्घटनामा मृत्यु भएको छ। उत्तरपश्चिमी स्पेनको जामोरा नजिक कार दुर्घटनामा परेका २८ वर्षीय जोटा आफ्ना भाइ आन्द्रेससँगै सवार थिए। दुर्घटनापछि कारमा आगलागी हुँदा दुवै जनाको घटनास्थलमै मृत्यु भएको हो।
प्रसिद्ध समाचार संस्था रोयटर्स र अंग्रेजी अनलाइन द सनका अनुसार, जोटा र उनका भाइ सवार कार अचानक सडकबाट बाहिरिँदा दुर्घटना भएको थियो। आगलागीपछि उद्धारका लागि समयमै सहायता पुग्न नसक्दा दुबैको ज्यान गएको बताइएको छ।
डिएगो जोटा सन् २०२० मा वल्भ्सबाट ४ करोड १० लाख पाउन्डमा लिभरपुलमा अनुबन्ध भएका थिए। उनी लिभरपुलका लागि लेफ्ट विंगबाट नियमित रूपमा खेल्दै आएका थिए। क्लब र देशका लागि उनले उल्लेखनीय प्रदर्शन गरेका थिए।
१० दिन अघि मात्र विवाह गरेका जोटाका तीन सन्तान छन्। उनको असामयिक निधनले लिभरपुल क्लब, पोर्चुगल राष्ट्रिय टिम र विश्व फुटबल जगतलाई स्तब्ध बनाएको छ। फुटबल समर्थक र खेलाडीहरू सामाजिक सञ्जालमार्फत उनको निधनप्रति श्रद्धाञ्जली व्यक्त गरिरहेका छन्।
© २०२३
सर्वाधिकार सुरक्षित
Design & Developed By:
