© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौँ ।
भिजिट भिसा प्रकरणमा उच्चस्तरीय छानबिन समिति गठन गर्ने सरकारको निर्णयलाई प्रमुख प्रतिपक्षी माओवादी केन्द्रले सकारात्मक रूपमा लिएको छ। मंगलबार प्रतिनिधिसभाको बैठकमा बोल्दै माओवादी सांसद वर्षमान पुनले यस निर्णयलाई स्वागत गर्दै सरकारलाई धन्यवाद दिएका छन्।
उनका अनुसार, जेठ २ गते प्रमुख तीन दलबीच भएको सहमति अनुरूप सरकारले छानबिन समिति गठन गरेको हो, जसको जानकारी गृहमन्त्रीले संसदमा गराएका थिए। पुनले यो कदम अध्ययन र छानबिनको दृष्टिले सही दिशामा उठाइएको भन्दै सरकारप्रति आभार व्यक्त गरे।
तर उनले छानबिन प्रक्रियामा गम्भीरता र पारदर्शिता आवश्यक रहेको चेतावनी पनि दिए। तथ्यमा आधारित छानबिन नभए जनताले आलोचना गर्नेछन् भन्ने उनको धारणा थियो। यदि समितिको कामप्रति अविश्वास पैदा भयो भने त्यसको नकारात्मक असर संसद र सरकार दुवैमा पर्ने उनले स्पष्ट पारे।
पुनले समितिलाई आफ्नो कार्यादेश (टीओआर) अनुसार इमान्दारीपूर्वक काम गर्न सुझाव दिँदै शुभकामना व्यक्त गरे। साथै, प्रमुख प्रतिपक्षको हैसियतमा माओवादी केन्द्रले पनि निरन्तर निगरानी र खबरदारी गर्ने प्रतिबद्धता जनाएका छन्।
© २०२३
सर्वाधिकार सुरक्षित
Design & Developed By:
