खोज

नेपालगञ्ज, १० जेठ ।

योग समिति नेपालले शनिबार आफ्नो सातौं स्थापना दिवस मनाएको छ । नेपालगञ्जमा केन्द्रीय कार्यालय रहेको योग समिति नेपाल सातौ वर्षमा प्रवेश गरेको अवसरमा एक औपचारिक कार्यक्रम गर्दै स्थापना दिनवस मनाएको हो ।

औपचारिक कार्यक्रम अघि नेपालगञ्ज बजारको विभिन्न भागको परिक्रमा गर्दै निस्किएको प्रभातफेरी बीपी चोक पुगेर सभामा परिणत भएको थियो । नेपालगञ्ज उपमहानगरपालिकाको कार्यालय परिसरमा आयोजित सभालाई संघीय सांसद डा. धबल संम्सेर राणाले सम्बोधन गर्दै योग सबैका लागि जरुरी रहेकाले हरेक व्यक्तिले योग गर्नुपर्ने धारणा राखे ।

मानिसलाई स्वस्थ रहनका लागि योग अपरिहार्य रहेको उनले जोड दिए । योग समिति नेपालले योग सम्बन्धी सन्देश फैलाउन निरन्तर सक्रिय रहेको भन्दै उनले त्यसका लागि समितिलाई धन्यवाद दिए । उनले आफ्नो १ महिनाको तलब योग समिति नेपालको भवन निर्माणका लागि सहयोग स्वरुप प्रदान गर्ने उद्घोष पनि गरे ।

योग समिति नेपालले नेपालगञ्जबासीलाई नियमित योग गराई स्वस्थमय राख्न उनले अनुरोध गरे । योग समिति नेपालका अध्यक्ष एवं आयुर्वेदाचार्य योग गुरू गिरीराज भट्टराईको अध्यक्षतामा कार्यक्रम भएको थियो । कार्यक्रममा विभिन्न १२ बिधामा उत्कृष्ट कार्य गरेका सदस्य, शुभचिन्तक तथा सहयोगीहरुलाई सम्मान प्रदान गरिएको थियो । डा विनोद थापाले बोल्दै योग आफुले गरे मात्रै फाइदा हुने स्वयम् आफु नै यसको उदाहरण भएको बताउदै विहान सुतेर जाने समयलाई सदुपयोग गर्र्न सबैमा अनुरोध गरे ।

उनले योग समिति नेपालको भवन निर्माणमा एक लाख दस हजार सहयोग गर्ने घोषणा गरे । त्यस्तै योग समिति नेपालकी योग प्रशिक्षक सकुन्तला भट्टराईले एक लाख एक हजार सहयोग गर्ने प्रतिबद्धता जनाएको समितिकी उपाध्यक्ष लोकमाया सुवेदी (सुमीत्रा)ले जानकारी दिइन् ।

योग समिति नेपाल छोटो समयमा सर्वसाधारणलाई योग गर्नका लागि प्रेरित गर्न सफल भएको छ । बाँकेमा २०७६ सालमा स्थापना भएको योगसमिति नेपालमार्फत नेपालगञ्ज उपमहानगरपालिकाको २३ वटै वडामा हाल ७ हजार बढीले योगबाट लाभ लिइरहेको योग समिति नेपालका केन्द्रीय अध्यक्ष एवं योग गुरु गिरिराज भट्टराईले जानकारी दिए ।

अहिले सम्म ४० वटा योग प्रशिक्षण तथा अभ्यास केन्द्र सञ्चालनमा रहेको उनले बताए । अध्यक्ष भट्टराईका अनुसार योग समिति नेपाल हाल नेपालका ७ वटा जिल्ला बाँके, बर्दिया, सुर्खेत जाजरकोट,प्युठान, रुपन्देही, नवलपरासी र भारतको उत्तर प्रदेशमा समेत शाखा विस्तार भएको छ ।