© 2026
२४ आश्विन २०८३, शनिबार
२४ आश्विन २०८३, शनिबार
गुल्मी । गुल्मीको इस्मा गाउँपालिका–४ मा चट्याङ लागेर दुई जना व्यक्ति घाइते भएका छन् ।
अविरल वर्षासँगै शुक्रबार अपरान्ह परेको चट्याङमापरी इस्मा गाउँपालिका–४ ढोकाकामुख स्थित मनकामना प्राथमिक विद्यालयकी ३० वर्षीया शिक्षिका लीला अर्याल र सोही वडाको मिदीस्वारा बस्ने २१ वर्षीय घनश्याम घिमिरे घाइते भएका हुन् ।
चट्याङका कारण शिक्षिका अर्यालको बायाँ खुट्टामा चोट लागेको छ भने घिमिरे घरको दलानमा बसिरहेको अवस्थामा नजिकै चट्याङ खसेपछि बेहोस भएको जिल्ला प्रहरी कार्यालय गुल्मीले जनाएको छ । उक्त घटनापछि घाइतेहरूलाई शुक्रबार राती उपचारका लागि गुल्मी अस्पताल तम्घास ल्याइएको थियो ।
घाईतेहरुको गुल्मी अस्पताल तम्घासमा उपचार हुन नसेकपछि थप उपचारका लागि गए रातिनै लुम्बिनी प्रादेशिक अस्पताल बुटवल पठाईएको जिल्ला प्रहरी कार्यालय गुल्मीका सूचना अधिकारी बिरेन्द्रवीर बिश्वकर्माले जानकारी दिएका छन् ।
घटनाको जानकारी पाउनासाथ प्रहरी चौकी इस्माबाट प्रहरी सहायक निरीक्षक सुमन रावतको नेतृत्वमा प्रहरी टोली तत्कालै घटना स्थलमा पुगेको थियो । घटनास्थल प्रहरी चौकी इस्माबाट करिब दुई किलोमिटर उत्तरमा पर्दछ ।
© 2026
All rights reserved.
Design & Developed By:
