Butwal Today

नेपालका हिमालमा ७० देशका ७८८ आरोहीलाई ३१ हिमाल चढ्ने अनुमति

२२ आश्विन २०८३, बिहीबार
अ
अ+
अ-

काठमाडौं । सन् २०२६ को शरद् ऋतुमा नेपालका ३१ हिमाल आरोहणका लागि ७० देशका ७८८ आरोहीले अनुमति लिएका छन्। पर्यटन विभागका अनुसार ९१ टोलीमा आबद्ध ५८२ पुरुष र २०६ महिला आरोहीले विभिन्न हिमाल आरोहणको अनुमति पाएका हुन्। आरोहण अनुमति दस्तुरबापत सरकारले २४ करोड ७२ लाख ७ हजार ६०१ रुपैयाँ रोयल्टी संकलन गरेको छ। अनुमति लिने आरोहीमध्ये सबैभन्दा धेरै चीनका ११८ जना छन्। त्यस्तै रूसका ६५, फ्रान्सका ६०, अमेरिकाका ५२ र बेलायतका ४५ जना आरोहीले अनुमति लिएका छन्।

यस वर्ष ८ हजार १६३ मिटर अग्लो मनास्लु हिमाल आरोहणमा सबैभन्दा बढी आकर्षण देखिएको छ। मनास्लुका लागि मात्रै ४३ टोलीका ५०० आरोहीले अनुमति लिएका छन्। मनास्लु आरोहणबाट मात्रै २२ करोड ५८ लाख ५७ हजार १८९ रुपैयाँ रोयल्टी संकलन भएको विभागले जनाएको छ। त्यस्तै, धौलागिरि–१ का लागि ३६, हिम्लुङका लागि ३४ र आमादब्लमका लागि १९ जनाले आरोहण अनुमति लिएका छन्। मकालु, अन्नपूर्ण–४, पुमोरी, बरुणत्सेलगायतका हिमालका लागि समेत अनुमति जारी भएको विभागले जनाएको छ। नेपालका हिमालप्रतिको अन्तर्राष्ट्रिय आकर्षणसँगै पर्वतीय पर्यटनबाट राज्यले प्राप्त गर्ने राजस्वमा समेत वृद्धि भइरहेको देखिन्छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

चोलेन्द्रको ‘पिक एन्ड चुज’देखि मनोजको तजबिजसम्म संवैधानिक इजलासमा फेरि प्रश्न

नेपाली सेनालाई बेलायतमा भएको ‘क्यामब्रेन पट्रोल २०२६’ मा स्वर्ण पदक

विश्व दृष्टि दिवसका अवसरमा दुई हजार ८२३ जनाको आँखा परीक्षण

रूपन्देहीमा लाइसेन्सको ‘सेटिङ’ परीक्षा नदिएकालाई पास, ७ जनाविरुद्ध मुद्दा

सफल केयरगिभर तालिमबाट २ सय विद्यार्थी दीक्षित

प्रदेशको अधिकार कटौती संघीयताविरोधी अभ्यास हो : राष्ट्रिय सभा सदस्य रेणु चन्द

पैरेबेँसी-शान्तिबजार खण्डमा तुइन सञ्चालन

मासु व्यवसायी बहुउद्देश्यीय सहकारीको नयाँ नेतृत्वमा विष्णुप्रसाद भण्डारी