Butwal Today

पूर्वप्रधानन्यायाधीश जबराको पक्राउ र रिहाइप्रति सांसद राईको आपत्ति

बुटवल टुडे
१२ आश्विन २०८३, सोमबार
अ
अ+
अ-

काठमान्डौँ ।

प्रतिनिधिसभाको आजको बैठकमा पूर्वप्रधानन्यायाधीश चोलेन्द्र शमशेर जबराको पक्राउ र रिहाइको विषयले प्रवेश पाएको छ । श्रम संस्कृति पार्टीका सांसद ध्रुवराज राईले पूर्वप्रधानन्यायाधीशलाई पक्राउ गरेर भोलिपल्टै रिहा गर्ने सरकारी शैलीप्रति आपत्ति जनाउँदै यसलाई ‘केटाकेटी खेल’को संज्ञा दिएका छन् ।

सिंहदरबारस्थित संसद् भवनमा बोल्दै सांसद राईले प्रधानन्यायाधीशजस्तो गरिमामय पदमा बसेका व्यक्तिलाई पक्राउ गर्नु सामान्य विषय नभएको बताए ।

‘पूर्वप्रधानन्यायाधीशलाई पक्राउ गर्ने, अनि भोलिपल्टै छोड्ने ? यो पक्राउ हो कि केटाकेटी खेल्ने खेल हो ? सरकारले यस्ता गम्भीर विषयमा नौटङ्की गर्न छोड्नुपर्छ,’ उनले भने ।

सांसद राईले राज्य संयन्त्रले कुनै पनि व्यक्तिलाई पक्राउ गर्दा त्यसको आधार र विषयको गम्भीरता पुष्टि हुनुपर्नेमा जोड दिए ।

‘विषय कति गम्भीर हो, त्यसको तथ्यपूर्ण अनुसन्धानपछि मात्रै कानुनी कारबाही अघि बढाउनुपर्छ। पक्रिने र भोलिपल्टै छोड्ने कामले देशको न्याय प्रणाली र सरकारी निकायको विश्वसनीयतामाथि प्रश्न उठाएको छ,’ उनले भने ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

कपिलवस्तु कारागारमा क्षमताभन्दा बढी कैदीबन्दी, व्यवस्थापनमा चुनौती

बाढीले बगाएर बेपत्ता महिलाको खोजीमा थप सुरक्षा टोली परिचालन

रास्वपाकी सांसद खतिवडाविरुद्ध लक्षित टिप्पणी गरेपछि प्रसाईं पक्राउ

अविरल वर्षाका कारण मनाङमा पुगेको क्षतिप्रति सरकारको ध्यानाकर्षण

पूर्वप्रधानन्यायाधीश राणाको पक्राउ राज्य आतङ्कको बर्बर नमुना हो : राप्रपा

मध्यरातमा पक्राउ गर्ने शैलीले सरकारको निरङ्कुश चरित्र देखायो : एमाले

जबराको पक्राउ–रिहाइमा दुलालको प्रश्न- ‘यो कस्तो कानुनी राज्य हो ?’

प्रतिनिधिसभाको बैठक सुरु, यस्तो छ कार्यसूची