© 2026
१० आश्विन २०८३, शनिबार
१० आश्विन २०८३, शनिबार
बुटवल ।
तीन दिनदेखि लगातार वर्षा गराइरहेको प्रणाली पश्चिम नेपालमा केन्द्रित भएको छ ।
लुम्बिनी प्रदेशका केही स्थानमा अति भारी वर्षासमेत हुनसक्ने पूर्वानुमान गरिएको छ । मौसम पूर्वानुमान महाशाखाको विवरण अनुसार शनिबार राति लुम्बिनी, गण्डकी, कर्णाली र सुदूरपश्चिमका केही जिल्लामा मुसलधारेदेखि आरिघोप्टेसम्मको वर्षा हुन सक्ने छ ।
महाशाले देशको पूर्वी क्षेत्रमा उच्च जोखिम घटेको र पश्चिम क्षेत्रमा आइतबारसम्म जोखिम रहने जनाएको छ । पर्सिदेखि देशभरको मौसम खुल्ने छ । तर मनसुन सक्रिय रहेकोले जुनसुकै ठाउँमा सामान्यदेखि मध्यम वर्षा हुन सक्ने भएको र जमिन भिजेको अवस्था रहेकोले केही दिन सावधानी अपनाउन मौसमविद्को सुझाव छ । यसैबीच आज वर्षासँगै ठूलो हावाहुरी चल्ने जल तथा मौसम विज्ञान विभागले जनाएको छ ।
त्यससँगै नदी तथा खोलामा पानीको बहाव बढ्ने, पहाडी क्षेत्रमा पहिरो जाने र तराईका होचा भूभागमा डुबानको जोखिम बढ्न सक्ने छ ।
© 2026
All rights reserved.
Design & Developed By:
