Butwal Today

प्रेस युनियन रुपन्देहीको सभापतिमा कल्पना तिवारी निर्वाचित

१६ भाद्र २०८३, मंगलवार
अ
अ+
अ-

रुपन्देही । नेपाल प्रेस युनियन रुपन्देहीको सभापतिमा कल्पना तिवारी निर्वाचित भएकी छिन् । तिवारी २२ औँ साधारण सभा तथा १० औँ अधिवेशनबाट सभापतिमा निर्वाचित भएकी हुन् । सोमबार सुरु भएको अधिवेशन रातीसम्म सहमति नभएपछि मङ्गलवारका लागि सारिएको थियो । आज मङ्गलवार भएको मतदानमा तिवारीले ५५ मत पाइन् भने सभापतिका अर्का प्रत्यासी दीपक घिमिरेले ४४ मत पाए । यसअघि दुवै जना उपाध्यक्ष रहेका थिए ।

यस्तै सचिवमा राम भण्डारी निर्वाचित भएका छन् । सचिवका अर्का प्रत्यासी आचार्य प्रदीपलाई १ मत अन्तरले पराजित गर्दै भण्डारी सचिवमा निर्वाचित भएका हुन् । भण्डारीले ५० मत ल्याए भने आचार्यले ४९ मत ल्याएका हुन् । अध्यक्ष र सचिवमा निर्वाचन भए पनि अन्य पदमा भने निर्विरोध भएको थियो । यस्तै उपाध्यक्षमा रमेश अर्याल खुल्ला, सिता गौतम बराल महिला, तिलक सुवेदी समावेशी सर्वसम्मत रूपमा चयन भएका हुन् । कोषाध्यक्षमा कल्पना शर्मा र सहसचिवमा सृष्टि अधिकारी भुसाल र बसन्तराज बराल चयन भएको निर्वाचन समितिका संयोजक जीवनारायण अधिकारीले बताए ।

यस्तै समितिको कार्यसमितिमा सन्तकुमार श्रेष्ठ र नवीन राना निर्विरोध निर्वाचित भएका छन् । सभापति र सचिव बाहेक अन्य पदमा भने सहमति भएको थियो ।अधिवेशनले केन्द्रीय महाधिवेशन प्रतिनिधि र प्रदेश महाधिवेशन प्रतिनिधिसमेत सर्वसम्मत रूपमा चयन गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

‘विपद् प्रभावितमाथि महँगीको भार’

नवलपुरमा भेटिएका १५९ शव व्यवस्थापन

‘स्थलगत अध्ययन नगरी पञ्चकुण्ड हिमताललाई जोखिमयुक्त भन्न मिल्दैन’

प्याडविहीन विद्यालय: दुई वर्षको ६० लाख बजेट खेर

प्रतिनिधिसभाको बैठक आज बस्दै

महाकालीमा पानीको बहाव वर्षकै उच्च

हेलिकप्टर पुगेन रसुवाको टिमुरेमा रहे ६१ शव

लुम्बिनी प्रदेश सरकारले शव व्यबस्थापनमा स्थलगत निरिक्षण