© 2026
८ भाद्र २०८३, सोमबार
८ भाद्र २०८३, सोमबार
काठमान्डौँ ।
जनआस्था साप्ताहिकका प्रधान सम्पादक किशोर श्रेष्ठलाई प्रहरी वृत्त महाराजगञ्जको हिरासतमा सारिएको छ ।
यसअघि जिल्ला प्रहरी परिसर, भद्रकालीको हिरासतमा रहेका पत्रकार श्रेष्ठलाई अहिले महाराजगञ्ज वृत्तको हिरासतमा राखिएको हो । श्रेष्ठलाई महाराजगञ्ज वृत्तको हिरासतमा राखिएको प्रहरीले पुष्टि गरेको छ ।
समाचारको विषयलाई लिएर एक महिलाले वैयक्तिक गोपनीयता भंग भएको भन्दै दिएको उजुरीका आधारमा पत्रकार श्रेष्ठलाई २७ साउनको राति आफ्नै निवास कुसुन्तीबाट पक्राउ गरिएको थियो । बिहीबार अदालतले श्रेष्ठलाई तीन दिन हिरासतमा राख्न अनुमति दिएको थियो ।
श्रेष्ठलाई गैरकानुनी रूपमा थुनामा राखिएको भन्दै दायर गरिएको बन्दीप्रत्यक्षीकरणको रिटमा सर्वोच्च अदालतले बरामद सामग्रीसहित सोमबार अदालतमा उपस्थित गराउन आदेश दिएको छ ।
© 2026
All rights reserved.
Design & Developed By:
